Törek matbuğatına küzätü 09.10.2017

 “Star” gazetı” İdlibtän soň çirat Afrinda” isemle xäbärendä ilbaşı Räcäp Tayyip Ärdoğannıň İdlib xäräkätennän soň Afringä işarät itep “İň könçığıştan Urta diňgezgä taba buldırırğa telängän terror koridorın bozaçaqbız. Yaňa Kobaniğa röxsät birmäyäçäkbez.Kem närsä dip äytsä äytsen. Bez Törkiyäne Süriyä häm Ğiraq belän bäyle yanawlar belän poçmaqqa qıstıruğa mömkinlek birmäyäçäkbez. Problemalarnı üz urınında çişü strategiyäbezne tormışqa aşırabız” dip äytüen citkerä.

“Vatan” gazetınıň ”Terror oyışmaları öçen urın taraya. Törkiyä Afrin çik buyında xärbi baza buldıru öçen êşkä kereşte” isemle xäbärennän kürengänçä, Qazaqstan başqalası Astanada Törkiyä, Rusiya häm İran tözegän kileşü näticäsendä bäreleşsez töbäk itep iğ’lan itelgän İdlibtä 3 million keşeneň iminlegen saqlaw häm “Färat qalqanı” xäräkäte belan Süriyäneň tön’yağında terrordan arındırılğan töbäkne kiňäytü öçen başlanğan küçeş operaŝiyäse kiçä dä däwam itte.

Törkiyäneň xärbi delegaŝiyäse İblibkä kerde. Keşesez hawa apparatları küzläw maqsatlı şähärneň tön’yaq öleşendä oçışlar baqardı. Afrin çik buyındağı Şäyh Bäräkät qalqulığında xärbi baza buldıru maqsat itep quyıla.

”Xäbär Törek” gazetı ”Törkiyä AQŞ watandaşlarınıň viza möräcäğät’lären tuňdırdı” isemle yazmasında Törkiyädäge barlıq AQŞ diplomatik missiyälärendä qaçaq bulmawçılarğa viza xezmätlären tuňdıruı turındağı belderüdän soň Törkiyäneň Vaşingtondağı tulı wäqalätle ilçelegeneň  dä “AQŞtağı barlıq missiyälärebezdäge AQŞ watandaşlarına qarata viza êşläre tuňdırıldı” belderüen yasawın citkerä.

 Gazet yazuınça,irtägä Törkiyägä kilüçe AQŞ watandaşlarına bu qarar täêsir itmäyäçäk. İke ilneň  ike yaqlı bularaq vizalarnı tuňdıruğa iltkän barış AQŞnıň İstanbuldağı baş konsullığında êşläwçe ber keşene 2016 nçı yılnıň 15 nçe iyülendäge tüntäreleş kereşüennän cawaplı “Fätullahçı terror oyışması /parallel’ däwlät qorılışı” belän bäyläneşe bulu däğ’wası belän saq astına alu belän başlanğan ide.

”Yäni Şafak” gazetı “Törkiyäneň avtomobil’ tarmağı êksportta rekord quyarğa äzerlänä” isemle xäbärendä cirle avtomobil’neň sentyabr’ ayı êksportınıň uzğan yılnıň şul uq däwerenä kürä 10,9% qa artıp 2 milliard 152 million dollar täşkil itüen uquçıları belän urtaqlaşa.

”Sabah” gazetı” Ğariplär futbol komandası finalda” isemle xäbärendä Törkiyädä uzuçı Awrupa ğariplär futbol federasyäseneň Awrupa çempionatı yarım final matçında Törkiyä cıyılma komandasınıň  Pol’şa komandasın 2-0 isäbe belän ciňüen citkerä. Törkiyä komandası çempion köräşendä  Angliya komandası belän köç sınaşaçaq.