Törek matbuğatına küzätü 14.09.2017
14nçe sentyabr könne basılıp çıqqan qayber törek gazetlarına küzätü
“Yäni Şafak” gazetı: “S-400 kileşüe tilertte”
İlbaşı Räcäp Tayyip Ärdoğan Cirle xakimiyät başlıqları cıyılışında yasağan çığışındaRusiyä belän tözelgän S-400 kileşüenä tuqtalıp uzdı. Ärdoğan: "Möhim adımnar yasıybız, S-400 kileşüen tözedek dip tilerdelär. Närsä bulaçaq ide soñ? Sezne kötä idekme? Bez dä çarabıznı üzebez küräbez. Böten iminlek ölkäsendä çaralarıbıznı küräbez häm küräçäkbez”, - dip äytte.
“Xäbärtürk” gazetı: "AQŞtan YPGgä “qanunsız” qoral"
“Foreign Policy”dä çıqqan raslawğa kürä, Amerika Quşma Ştatları Süriyädä “DEAŞ”qa qarşı separatist terror oyışmasınıñ biredäge törkeme “YPG” häm oxşaş oyışmalarğa 700 million dollarlıq qoral cibärde. 5 yılda bu sannıñ 2 milliard 200 million dollarğa citüe kötelä. Êlekke sovet qoralların Könçığış blokta cinayätçel törkemnär belän bäyle şirkätlärdän alıp, inventar’ga kertkän “Pentagon”nıñ yärdämne xalıqara küzätüdän yäşerep, dälilne yuqqa çığaruı alğa sörelä.
“Star” gazetı “Cirle imitator syurprizı"
Törek hawa yulları (THY) tözelüe tämamlanğan yaña Oçışqa öyrätü üzägeneñ açılışın yasadı. Açılışta syurpriz ta yäşände. “HAVELSAN” belän urnaştırılğan xezmättäşlek qısalarında tormışqa aşırılğan Törkiyäneñ berençe milli grajdan oçış simulatorı-imitatorı da sınap qaraldı. THY idarä şurası başlığı İlkär Aycı imitatornıñ prototip buluın häm massaküläm citeşterügä küçereläçägen äytte.
“Sabah” gazetı “Gerakl (Herakles) sarkofagı monnan arı Törkiyädä”
Antaliyanıñ Aqsu ilçäsendäge Pärgä borınğı qalasında qanunsız qazılmalar waqıtında tabılğan häm yaqınça 50 yıl êlek çit ilgä urlanğan Gerakl sarkofogı yañadan üz watanında. Şveyśariyädä tamğaxanädä (tamojnyada) qulğa töşerelgän Gerakl sarkofagı Mädäniyät häm turizm ministrlığı räsmiläre tarafınnan Jenevada täslim alındı. Gerakl (Herakles) sarkofogı Antaliya muzeyında saqlanaçaq.
“Xörriyät” gazetı "Börket dastanı"
Törkiyäneñ “Bäşiktaş” taqımı UEFA çempionnar ligasın iskitkeç başladı. Berençe matçında Portugaliyada oçraşqan “Porto”nı 3-1 isäbe belän ciñgän (börket mäğnäsendäge “kartal” dip tä yörtelüçe) “Beşiktaş” komandası İstanbulğa 3 oçko belän qayttı. “Bäşiktaş”nıñ golların Talisca, Cänk häm Babel kertte.
