Törek matbuğatına küzätü 07.09.2017
7nçe sentyabr könne basılıp çıqqan qayber törek gazetlarına küzätü
“Xörriyät” gazetı “Qıyu itep äytegez, zarur bulğannı yasağız” dip atalğan yazmasında Germaniyadan yasalğan “Törkiyäneñ Awrupa Berlege äğzalegenä qarşı buluları” turındağı belderülär belän bäyle bularaq İlbaşı Räcäp Tayyip Ärdoğannıñ: "Törkiyäneñ Awrupa Berlege belän bulğan xäzerge mönäsäbätlärenä dä xätta tüzep tora almıysız ikän monı qıyu itep äytegez häm zarur bulğannı täwäkkäl räweştä yasağız”, - dip äytüen citkerä.
“Yäni Şafak” gazetı “Bolgariya belän ênergetikada xezmättäşlek” isemle yazmasında Törkiyä ênergetika häm tabiği çığanaqlar ministrı Bärat Albayraqnıñ Bolgariya prem'yer-ministrı Boyko Borissov häm Ênergetika ministrı Temenuzkha Petkova belän oçraşuın häm söyläşülärdä ike il arasındağı ênergetika xezmättäşlegenä qağılışlı mäs’älälärneñ quzğatıluın yaza. Gazet belderüençä, här ike ministrnıñ tabiği gaz häm êlektr ölkäsendä yuğarı xezmättäşlek potenśialın xäräkätländerü mäs’äläsendä kileşügä ireşüe assızıqlandı.
“Star” gazetı “Gorbätçedän iqtisadqa 33 milliard dollarlıq öleş” dip atalğan yazmasında här yıl bäyräm yäisä yal uñayınnan Törkiyägä kilgän çit illärdäge töreklärneñ yasağan çığımnarı belän zur iqtisadnı täşkil itüenä iğtibarnı yünältä.
Gazet yazuınça, Törkiyä statistika oyışması mäğlümatlärenä kürä, çit ildä yäşäwçe töreklär 2012nçe yıldan bıyıl iyül’ ayına qadär uzğan 5 yıl yarım waqıt êçendä yaqınça 30 million yarım tapqır Törkiyädä bulıp kitkän. Çit illärdä yäşäwçe töreklär şuşı çorda Törkiyädä yaqınça 33 milliard 200 million dollar külämendä turizm çığımnarın yasağan.
“Xäbär Türk” gazetı “Möğallimnärneñ möğallimen yuğalttıq” isemle yazmasında törek sośiologiyasınıñ iñ möhim şäxeslärennän professor doktor Şärif Mardinnıñ 90 yäşendä İstanbulda wafat buluın xäbär itä.
“Watan” gazetı “Dursun- dönya çempionı” dip atalğan yazmasında Greśiya başqalası Afinada ütkärelgän Bötendönya Yoldızlar köräş çempionatınıñ grek-rim stilendäge köräşendä 85 kiloda Rusiyäle köndäşe Möxämmäd Evloevnı 5-3 isäbe belän ciñgän Törkiyä milli köräşçese Möxämmäd Furkan Dursunnıñ dönya çempionı buluı turındağı xäbärne citkerä.
