Törek matbuğatına küzätü 05.09.2017

“Xörriyät” gazetı “M’yanmanı liderlar belän söyläşäçäkmen” isemle yazmasında Törkiyä İlbaşı Räcäp Tayyip Ärdoğannıñ, İstanbulda yasağan çığışında böten İslam dönyasında zur suğışlarnıñ buluın belderep: “Süriyädä, Ğiraqta (Ğıyraqta), Fälästindä, Liviyada bolarnı yäşädek. Bigräk tä M’yanmada, qızğanıç, bik zur küpläp üterülär yasaldı. Keşelek dönyası M’yanma küpläp üterüenä tawışsız qaldı. M’yanma barışın aynıñ 19ında BMO ğomum şurasında (general’ assambleyasında) kiñ räweşle itep quzğataçaqmın. Şul uq waqıtta İslam xezmättäşlek oyışmasınıñ çirattağı başlığı bularaq 20gä yaqın dönya liderı belän bu mäs’älälärne söyläştem, söyläşäm”, - dip äytüen citkerä.

“Watan” gazetı “Törkiyä Kazna ışanıçlı kreditta iñ yuğarı noqtağa citte” dip atalğan yazmasında Törkiyä Prem'yer-ministrı Binali Yıldırımnıñ Kazna garantiyası qısalarında qullanılğan kredit miqtarınıñ 201 milliard lirağa, garantiya zurlığınıñ isä 179 milliard lirağa citüen belderep: “Törkiyä Kazna ışanıçlı kredit zurlığında Kön’yaq Koreyanı uzdırıp, berençe urınğa kütärelde. Uñışlı räweştä başqarılğan bu sistema şaqtıy ilgä ürnäk buldı”, - dip äytüen yaza.

“Sabah” gazetı “Yäş’ pianinoçı dönya berençese” isemle yazmasında İtaliyada oyıştırılğan Xalıqara Tadini muzıka bäygesendä Törkiyäneñ İzmir qalasınnan qatnaşqa Kaan Turannıñ 11-13 yäş’ kategoriyäsendä berençe buluın xäbär itä.

“Yäni Şafak” gazetı “Cähännäm qapqası kilüçelärgä açılaçaq” dip atalğan yazmasında Törkiyädä Dänizli vilayäteneñ Pamukkalä ilçäsendäge Hierapolis borınğı qalasında urnaşqan häm salınğan çorlarda cir astınnan çıqqan gazlar belän buğalar qorban itelgän "Cähännäm qapqası”nıñ resvovraśiyälänüen añlata.

“Star” gazetı “Ramil Guliev – “Aynıñ atletı” buldı” isemle yazmasında Awrupa atletizm berlegeneñ (EAA) här ay internet tawışları belän bilgelägän "Awrupada aynıñ atletı" bülägenä Törkiyä milli atletı Ramil Gulievneñ layıq buluın belderä.