Törek matbuğatına küzätü

“Watan” gazetı “İran belän urtaq operaśiya” isemle yazmasında İlbaşı Räcäp Tayyip Ärdoğannıñ terror oyışmalarına qarşı İran belän urtaq xäräkät ütkärüeneñ här mizgeldä kön tärtibendä buluın açıqlawın citkerä.

“Xörriyät” gazetı “İñ totrıqlı il Törkiyä bulaçaq” dip atalğan yazmasında Premyer-ministr Binali Yıldırımnıñ Singapurğa yasağan säfäre waqıtında oyıştırılğan Singapur-Törkiyä êş forumında monnan soñğı un yıllarda Törkiyäneñ iñ totrıqlı il bulaçağın äytüen yaza.

“Yäni Şafaq” gazetı “Tışqı êşlär ministrlığınnan Bağdat häm Ärbil iniśiativası” isemle yazmasında Törkiyä Tışqı êşlär ministrı Mäwlüt Çavuşoğlunıñ çärşämbe könne yasayaçaq Ğiraq (Ğıyraq) säfäre turında mäğlümat birep uza.

“Xäbär Türk” gazetı "Louvredäge bolan awı” öçen qaytarılu taläbe” isemle yazmasında TörkiyäneñMalatiya mädäniyät häm turizm vilayät mödirlegeneñ Franśiya başqalası Parijdağı “Louvre” muzeyında saqlanğan häm Malatiyanıñ 7çaqrım tön’yaq-könçığışında urnaşqan Arslantäpä qalqulığınnan 1891nçe yılda alınğan “Bolan awı” häykäleneñ qaytarıluı öçen êşçänlek başlatuın xäbär itä.

“Star” gazetı “Mätäxan – dönya çempionı” isemle yazmasında Franśiya başqalası Parijda oyıştırılğan Bötendönya köräş çempionatınıñ grekoromen stil’dä 85 kilo finalendä törek milli grekoromençısı Mätäxan Başarnıñ alman köndäşe Denis Kudlanı 2-1 isäbe belän ciñep dönya çempionı buluın yaza.

Gazet Törkiyä İlbaşı Räcäp Tayyip Ärdoğannıñ dönya çempionı bulğan milli köräşçe Mätäxan Başarnı täbrik itüen belderä.