Törek matbuğatına küzätü 07.08.2017
7nçe avgust könne basılıp çıqqan qayber törek gazetlarına küzätü
“Xäbärtürk” gazetı “Törkiyä “ASEAN”ğa urtaq” isemle yazmasında Tışqı êşlär ministrı Mäwlüt Çavuşoğlunıñ 50nçe Kön’yaq Könçığış Aziya illäre berlege ASEAN cıyılışı öçen kitkän Filipinnärdä yasağan açıqlawın citkerä.
Ministr: "Törkiyä räsmi räweştä “ASEAN”nıñ sektor dialog partnyorı buldı. Yul kartabız täqdir belän qarşılandı. Häm säyäsi häm dä qorılış bularaq bu töbäktäge illär belän mönäsäbätlärebez tağın da üsäçäk. Êşmäkärlärebez öçen möhim forsatlar xasil bulaçaq", - dip äytte.”
“Sabah” gazetı “Kön’yaq-könçığışta iskitkeç üzgäreş” dip atalğan yazmasında “PKK” separatist terror oyışmasınıñ çoqırları häm barrikadaları belän zur cimerü yäşängän Diyarbaqır, Şırnak, Cäzrä, Silopi, Nusaybin häm Yüksäkovada xäzer inde kapital salu mobilizaśiyasınıñ alıp barıluın yaza:
“Cirle xakimiyätlärneñ aqçası “PKK”ğa tügel, xalıq ixtıyaclarına kitkäç, vilayätlär häm ilçä-rayonnar qısqa waqıtta modern küreneşkä qawıştı. Xäräbägä äylängän şähärlärdä alıp barılğan proyektlar belän êçü suı häm kanalizaśiya asqorması yañartıldı, uramnar asfal’tlandı, yaña mäktäplär, xastaxanälär häm parklar salındı.”
“Watan” gazetı “Säwdä üzäge tügel, yärminkä mäydanı” isemle yazmasında İstanbulda 3nçe hawa mäydanınıñ xezmätkä kerüennän soñ Atatörek isemendäge aêroportnıñ yazmışına qağılışlı bularaq Transport, diñgezçelek häm êlemtä ministrı Axmät Arslannıñ: “İstanbulğa sulış kiteräçäk. Terminallar yärminkä mäydanı bulaçaq. Tözeleşkä açılıp, säwdä üzäge häm toraq salınuı turında süz barmıy”, - dip açıqlaw yasawın belderä.
“Xörriyät” gazetı “Öygä qaytu terapiyası” dip atalğan yazmasında “Färat qalqanı” operaśiyası belän “DEAŞ”tan azat itelgän Äl Babqa, Cärablus-Azäzgä Süriyäle tınıç xalıqnıñ qaytuınıñ däwam itüen yaza:
“Ğailä häm sośial säyäsätlär ministrlığı belän Berläşkän Millätlär Oyışması qaçaqlar yuğarı komissarlığı belgeçläre Süriyägä qaytırğa teläwçe xatın-qız, balaçağa häm ğailälärgä yäşäw şartları turında mäğlümat birep, psixologik yärdäm kürsätä. Törkiyägä sıyınğan 3.5 million Süriyäleneñ ictimaği integraśiyası öçen dä êşçänlek alıp barıla.”
“Yäni Şafak” gazetı “Mäşhür zatlar Törkiyädän waz kiçmi” isemle yazmasında Muğlanıñ Bodrum ilçäseneñ Törkiyäne yaratqan çit il êşmäkärläre, akyorları, säyäsätçeläre, patşaları, aktrisaları kebek tanılğan şaqtıy çit il keşeläreneñ waz kiçelmäs urını buluın assızıqlıy:
“İlçäne soñğı könnärdä saylap aluçılar arasında isä yaxtaları belän Ukraina êşmäkäre Aleksander Yaroslavskiy, Meksikalı êşmäkär Rikardo Salinas Pliego, Daniya patşa ğailäse äğzaläre, ingliz modele Kate Moss häm Breaziliyalı model Adriana Lima belän bergä säyäsätçelär häm çit il jurnalistları da bar. Alman “Bild” gazetınıñ êlekke baş möxärrire Kai Diekmannnıñ da Bodrumda yal itüenä iğtibar yünältelde.”
