Törek matbuğatına küzätü 31.07.2017
31nçe iyül’ könne basılıp çıqqan qayber törek gazetlarına küzätü
"Xörriyät” gazetı “Änkaradan McGurkka telefon” isemle yazmasında Törkiyäne İdlibta terror oyışmalarına yärdäm itüdä gäyeplägän Amerika Quşma Ştatlarınıñ “DEAŞ” belän köräş maxsus wäkile Brett McGurkka Törkiyä tışqı êşlär ministrlığınıñ, üzenä şaltıratıp, reakśiya kürsätüen häm McGurknıñ süzlären tözätüen teläwen citkerä.
“Yäni Şafak” gazetı “YEKA tenderı 3nçe avgustta” dip atalğan yazmasında cil ênergiyası yañartıla alınğan ênergiya çığanaq mäydannarı (YEKA) öçen uzdırılaçaq tender waqıtınıñ 3nçe avgust atnakiçen bularaq bilgelänelüen xäbär itä häm Törkiyäneñ 5 ayırım töbägendä barlığı ber meñ megawatlıq cil ênergiyası köçeneñ salınuı öçen ütkäreläçäk tender öçen uzğan atnada dönyanıñ iñ zur berençe 10 cil turbinasın êşläp çığaruçıdan sigezeneñ täqdim kertüen häm täqdim kertkän konsorśiumnarnıñ êçendä dürt alman, ike qıtay, ber amerikalı häm ber daniyalı şirkät buluın assızıqlap uza.
“Xörriyät” gazetı “Yöztübän öygä kilüçelär sanı rekord quydı” dip atalğan yazmasında Antaliyanıñ turistik töbäge Kundudağı dönyanıñ 13nçe, Törkiyäneñ berençe yöztübän öyenä kilüçelär sanınıñ rekord quyuın belderä:
“Sabah” gazetı Depard’edan törek fil’mnarına maqtaw” isemle yazmasında İtaliyada çıqqan “Corriere della Sera” gazetına äñgämä birgän Jerar Depard’enıñ bıyıl 74nçese oyıştırılaçaq Veneśiya fil’m festivale belän bäyle soraw uñayınnan: “Veneśiya häm Berlin fil’m festival’läre Kann festivalennän tağın da kübräk öleş kertä. Kannğa ber ük rejissyorlar, sśenaristlar çaqırıla, bel’giyalılar sine yoqlata, Amerika Quşma Ştatlarnıqı isä axmaqça. Läkin Törkiyä häm Qıtaydan äle haman qızıqlı fil’mnar kilä”, - dip äytüen citkerä.
“Star” gazetı “Altın balalar” dip atalğan yazmasında Samsunda oyıştırılğan 2017 çuqraqlar olimpiadalarında Törkiyä irlär cıyılma futbol taqımınıñ Ukraina komandasın 4-3 isäbe belän ciñep çempion buluın xäbär itä häm İlbaşı Räcäp Tayyip Ärdoğannıñ 2017 çuqraqlar opimpiada uyınnarında irlär cıyılma komandasınıñ çempion buluı uñayınnan Törkiyä çuqraqlar sport federaśiyäse başlığı Yakup Ümit Kihtirne qotlawın belderä.
