Törek matbuğatına küzätü 11.07.2017

 “Xörriyät” gazetı” Törkiyäne ênergiya bazasına äwerelderäçäkbez” isemle yazmasında İstanbulda uzuçı Bötendönya neft’ kongressında çığış yasağan Törkiyä ilbaşı Räcäp Tayyip Ärdoğannıň Törkiyäne yuğarı östämä qimmätle texnologiya citeşterelgän ênergiya bazasına äwerelderäçäkläre ,bu maqsatnı küzdä totıp milli çığanaqlarnı törleländeräçäkläre turında äytüen citkerä. 

 “Vatan” gazetı” Urta diňgez häm Qara diňgezdäge zondaj Awrupa öçen  möhim” isemle xäbärendä Törkiyä ênergetika häm tabiği çığanaqlar ministrı Bärat Albayraknıň Törkiyäneň soňğı 15 yılda ênergetika tarmağında möhim adımnar yasawına basım yasap ,2023 nçe yılda 11 milliard kub metr tabiğ gaz saqlaw sıydırışlığına ireşep bu mäğ’nädä töbäktäge iň zur saqlaw sıydırışlığına iyä illärdän berse bulaçaqları turında äytüen belderä.

”Xäbär Türk” gazetı “Törkiyä belän mönäsäbätlärebez yaxşıra” isemle xäbärendä 22 nçe Bötendönya neft’ kongressında qatnaşu häm räsmi oçraşularda qatnaşu öçen İstanbulğa kilgän  Amerika Quşma Ştatları däwlät särqätibe Reks Tillersonnıň Vaşingtonnıň Änkara belän kiyerenkelekne kimetü yaqlı buluı turında belderüen xäbär itä.

Gazet yazuınça, Tillerson Törkiyä belän mönäsäbätlärneň iminlek häm iq’tisadi yaqtan möhim buluına basım yasadı.

”Yäni Şafak” gazetı “Törkiyä “DEAŞ”qa küz açarğa irek birmi” isemle yazmasında Törkiyä êçke êşlär ministrlığınıň Törkiyäneň “DEAŞ” qa qarşı köräşe xaqında törek häm ingliz tellärendä kitap bastıruı turında yaza.

 Xäbärdän kürengänçä, kitapta terror oyışmasınıň iň küp töbäk xalqına häm İslam dönyasına zıyan saluı assızıqlana. 

Kitapta “DEAŞ”nıň Törkiyädä tormışqa aşırğan höcümnäre , oyışma äğ’zaların saq astına alular, “Färat qalqanı” operäŝiyäse xaqında centekle mäğ’lümat birelä.

”Star” gazetı “Mäğarif ministrlığında yaňa sistema” isemle xäbärendä mäğarif ministrlığınıň Törkiyädä uquçlarnıň üseşlären häm mäktäp bazasındağı belem däräcälären bilgeli torğan uquçınıň üseşen küzätü sisteması buldıraçağın uquçıları belän urtaqlaşa.

 Cirle täwge küzätü sisteması bıyıl ğamälgä kerteläçäk. Älege sistema belän uquçınıň küpme belüe tügel,närsälärne öyränep öyränmäwe bilgelänäçäk.