Törek matbuğatına küzätü 19.06.2017
19 nçı iyün' könne basılıp çıqqan qayber törek gazetlarına küzätü
“Vatan” gazetı ”Paris Air Show”da Törkiyä êze” isemle xäbärendä dönyanıň iň zur aviaŝiya häm ğaläm yärminkäse “Paris Air Show”nıň 20 nçe iyün’dä üz işeklären açaçağın xäbär itä.
Xäbärdän kürengänçä, bıyılğı yärminkädä Törkiyä aviaŝiya sänäğäte êşlänmäläre dä urın alaçaq. Törkiyä üz hawa transportı çaraların “Paris Air Show”da tanıtaçaq. Yärminkädä “Xör qoş” (Hürkuş) oçqıçınıň oçışı täq’dim iteläçäk. Şulay uq T625 boralağın, qorallı keşesez hawa apparatların biredä kürü mömkin bulaçaq.
“Xäbär Türk”gazetı “Amerika Quşma Ştatları belän Törkiyä arasında F-35 kileşüe” isemle xäbärendä aralarında Törkiyä dä bulğan 11 ilneň kim digändä 440 “F-35 “reaktiv oçqıçı satıp alu öçen kileşüe turında yaza.
Gazet yazuınça, 37 milliard dollar külämendäge kileşüneň rekord buluı belderelä.
”Star” gazetı ”Törek ğaskärläre Katar armiyäse belän urtaq manevr başqaraçaq” isemle xäbärendä Törkiyä belän Katar arasındağı kileşü kisätüençä Katarğa kitkän törek ğaskärläreneň töbäkkä barıp citüen belderä.
Xäbärdän kürengänçä, “Äl Cäzirä” törek ğaskärläreneň töbäkkä barıp citüen häm Katar armiyäse belän bergä urtaq xärbi künegülär başqaraçağın dönyağa citkerde.
”Sabah” gazetı “Şäfqät’” köymäse Ğazzä yulında” isemle xäbärendä İzrail’ blokadası astındağı Ğazzägä 10 meň 600 tonna yärdäm materialı iltüçe “Acqua Stella” köymäseneň kiçä yulğa çığuın uquçıları belän urtaqlaşa.
Köymädä azıq-tölek belän bergä fälästinle balalar öçen uyınçıqlar, mäktäp kiräk-yaraqları, kiyemnär , velosipedlar da bar.
”Yäni Şafak” gazetı “Daniyada İslamnı roza çäçäkläre belän aňlattılar” isemle xäbärendä Daniya İslam cämğiyäte yäş’lär törkemeneň “Min möselman” isemle çara ütkärüen xäbär itä.
Mediada İslam häm möselmannarğa qarata urın alğan tiskäre fikerlärne yuqqa çığarırğa telägän yäş’lär roza çäçäkläre taratıp daniyalılarğa İslam häm möselmannarnı aňlattı. Üzixtiyarı yäş’lärgä watandaşlar häm turistlar uňay totış kürsätte. Daniya İslam cämğiyäte soňğı 6 yıldır İslamnı häm möselmannarnı aňlatu öçen törle çaralar oyıştıra.
