Törek matbuğatına küzätü 25.05.2017

“Star” gazetı “İlbaşı Ärdoğan cirle avtomobil’ öçen Törkiyä palatalar häm birjalar berlegennän süz aldı” dip atalğan yazmasında İlbaşı Räcäp Tayyip Ärdoğannıñ Törkiyä palatalar häm birjalar berlegeneñ ğomum şurasında yasağan çığışında berlek äğzalärenä “cirle avtomobil’” telägen tağın ber qat citkerüen yaza.

İlbaşı Ärdoğannıñ tulısınça cirle bulğan maşinanıñ “Made in Turkey” bularaq Törkiyä palatalar häm birjalar berlege dairäse êçennän êşläp çığarılu telägen belderüen assızıqlawçı gazet Törkiyä palatalar häm birjalar berlege (TOBB) başlığı Rifat Hisarcıklıoğlunıñ da, süz alıp: “Bez monı yasarbız. Sez citär ki yanıbızda bulığız”, - dip äytüen belderä.

“Yäni Şafak” gazetı “Süriyägä yaña qapqa” isemle yazmasında Törek qorallı köçläre belän İrekle Süriyä ğaskäre ütkärüçe “Färat qalqanı” xäräkäte belän 18nçe avgustta “DEAŞ” terror oyışmasınnan azat itelgän Törkiyä-Süriyä çigendäge Xälebkä bäyle Çobanbäy rayonında yaña çik buyı qapqasınıñ salınıluın xäbär itä. Gazet yazuınça, açılaçaq yaña çik buyı qapqasınıñ töbäkneñ iñ aktiv räweştä qullanılaçaq çik buyı qapqası buluınıñ planlaştırıluın assızıqlıy.

“Sabah” gazetı “Çit il keşesenä toraq satuı arta başladı” dip atalğan yazmasında Törkiyä iqtisadınıñ lokomotivlığın üz östenä alğan toraq tarmağında markalı citeşterüçelärneñ kampaniyaları, tübän prośent küläme häm salım täşviqläre, qızıqsındıruınıñ yoğıntısı belän satularnıñ artırğa däwam itüen yaza:

“Törkiyä statistika oyışmasınıñ kiçä açıqlağan mäğlümatlärenä kürä, aprel’dä toraq satışı uzğan yılnıñ şul uq çorına qarağanda 7,6%qa artıp 114 meñ 446ğa citte. Çit il keşelärenä satılğan toraqlar aprel’ ayında 2, 7%qa artıp ber meñ 624 buldı.”

“Watan” gazetı “Totrıqlı üseş büläge Ärdämirgä” isemle yazmasında Törkiyäneñ timer qorıç köçe “Ärdämir”neñ Awrupa rekonstrukśiya häm üseş bankı (EBRD) bıyıl cidençesen oyıştırğan “Totrıqlı üseş” premiyälärendä “Totrıqlı ênergetika” nominaśiyäsendä zur büläkkä layıq buluın xäbär itä.

Gazet mäğlümatenä kürä, (Ğaskär yärdämläşü oyışması) “OYAK” yatmalar häm metallurgiya törkeme şirkätlärennän “İsdemir”neñ, basım ênergiyasınnan faydalanıp êlektr êşläp çığaruın täêmin itäçäk TRT proyektı “totrıqlılıq büläkläre” qısalarında zur büläkkä layıq buldı.

“Xäbär Türk” gazetı “Yöri almıy ide, oçtı!” dip atalğan yazmasında Angliyadan yal itär öçen Törkiyäneñ Fäthiyä töbägenä kilgän, tuıştan yöri almağan 19 yäşendäge ğärip Rouz Spenserneñ Babadağ tawınnan parallanerizm pilotı Mostafa Kemal Öztürk küzätüendä tandem (dublet) sikerüen yaza.

Gazet tuğan könnän birle hiç ayaqta torıp yöri almağan Spenserneñ oçunıñ käyefen yäşäwen assızıqlıy.