Törek matbuğatına küzätü 23.05.2017
23 nçe may könne basılıp çıqqan qayber törek gazetlarına küzätü
“Sabah” gazetı ”Pasportsız säyäxät itik” isemle yazmasında İstanbulda Qara diňgez iqtisadi xezmättäşlek oyışmasınıň 25 yıllığı sammitında çığış yasağan Törkiyä ilbaşı Räcäp Tayyip Ärdoğannıň säwdä häm kapital salularnıň uňışqa ireşüe öçen töp şartnıň tınıçlıq häm totrıqlılıq buluın belderüe turında yaza.
Gazet beldergänçä,Törkiyäneň Gruziya häm Ukraina belän pasportsız säyäxätkä ireşüen xäterlätkän ilbaşı Ärdoğan “Bez bu ciňellekne barlıq äğza illärdä qullanıluın telibez” dide.
“Xörriyät” gazetı” AQŞqa saqlaw notası” isemle xäbärendä Törkiyä ilbaşı Räcäp Tayyip Ärdoğannıň uzğan atnada Amerika Quşma Ştatlarına säfäre waqıtında Törkiyäneň Vaşingtondağı tulı wäqalätle ilçelege yanında çıqqan ğawğa belän bäyle yäşängännär säbäbe belän tışqı êşlär ministrlığınıň kiçä AQŞnıň Änkaradağı tulı wäqalätle ilçese John Bassnı çaqırıp protest notası birüen citkerä.
Ul könge ğawğa waqıtında AQŞ poliŝiyäseneň tışqı êşlär ministrı Mävlüt Çavuşoğlunıň ike tän saqçısın qulğa aluı häm qısqa waqıttan soň irekkä cibärelüe belderelde.
”Xäbär Türk” gazetı “Dön’yada berençe tapqır äni kimerçägennän qolaq” isemle yazmasında Törkiyäneň Gaziantep qalasında tumıştan qolaqları bulmağan häm 1 yıl yarım êlek äniseneň qıqırdaqları belän yaňa qolaq yasalğan 22 yäş’lek Ümit Gülne däwalawnıň uňışlı buluın uquçıları belän urtaqlaşa.
Xäbärdän kürengänçä, Gaziantep universitetınıň mediŝina fakul’tetı xirurgiya bülege başlığı professor Mäxmät Mutaf “Dönyada berençe tapqır mondıy operaŝiya yasaldı” dide.
“Vatan” gazetı ”Borçılma Pavlopoulos" isemle yazmasında İstanbulda uzğan Qara diňgez iq’tisadi xezmättäşlek oyışması sammitında Törkiyä ilbaşınıň grek häm serb wäkillare belän dialogınıň tirän êz qaldıruın citkerä.
Gazet yazuınça, Ärdoğan Törek hawa yulları Awrupa ligası finalında “Fänärbahça” basketbol komandasınıň çempion buluın xäterlätep komandada 2 serb sportçısı buluın belderde. Ärdoğan Greŝiya ilbaşı Prokopis Pavlopoulosqa isä “Dustım sin dä borçılma. Çönki komandadağı Kostas Sloukas greŝiyäle”dide.
”Yäni Şafak” gazetı ”5 meň yıllıq lyuks şähärçek tabıldı” isemle xäbärendä İzmir Bornovada alıp barılğan qazu êşlärendä 5 meň yıl êlekkegä barıp totaşuçı Troya mädäniyatı belän bäyle êzlär tabıluın xäbär itä. Ul çordağı lyuks öylärneň ike bülmäle buluı häm şähärçek qısasında tözelgän buluı bilgelände.
