Törek matbuğatına küzätü 28.03.2017

 “Star” gazetı “Demokratiya Törkiyägä sıyındı” isemle xäbärendä ilbaşınıň baş kiňäşçese Mäxmät Uçumnıň dön’yada häm Törkiyädä demokratiya häm global’ särmayä mönäsäbäte aşa yaňa sistemanı bäyäläwen citkerä.

Xäbärdän kürengänçä, baş kiňäşçe tübändägelärne citkerde:“Könbatış demokratiyäläre särmayä kontrolendäge däwlätlär säbäbe belän mullıq cämğiyätenä nigezlängän. İqtisadi barışlarğa nıq bäyle bulğan demokratiya mädäniyatı barlıqqa kilde. Mullıq cämğiyäte qaqşağan sayın demokratiya häm demokratik mädäniyat kiyerenke tös ala.Rasaçılıq, çit il keşesenä qarata doşmanlıq,faşizm ğamällaäre barlıqqa kilä. Törkiyä isä demokratiya mädäniyatın iqtisadi mullıq aşa tügel, cämğiyät’neň üzen çağıldıruı öçen buldırğanğa kürä tağın da köçle demokratiya mädäniyatına iyä. Törkiyädä monnan soň legal’ qabul iteläçak berdänber säyäsät – turıdan turı xalıqqa nigezlängän säyäsät”.       

”Xörriyät” gazetı “Olı şirkätlär Törkiyä öçen êşkä kereşte” isemle yazmasında Törkiyä öçen ildä êşçänlek başqaruçı olı şirkätlärneň êşkä kereşüen citkerä.

 Gazet yazuınça, iqtisad ministrlığı äydäp baruçanlığında Törkiyä palatalar häm birjalar berlege belän Törkiyä êskportçılar assoŝiyäse xezmättäşlegendä başlanğan yaňa kampaniya belän Törkiyäneň duşları Törkiyäne aňlataçaq.

 Germaniya, Amerika Quşma Ştatları,Angliya,Franŝiya,İtaliya,Rusiya Federaŝiyäse häm Berläşkan Ğaräp Ämirleklärendä başlanaçaq kampaniyada Törkiyädä ozaq yıllar investiŝiyäläre bulğan General Electric, Sberbank, Fiat, Ford, Danone, Hyundai, Novartis, Vodafone kebek şirkätlärneň yuğarı däräcäle citäkçeläre “Törkiyägä ışan häm qazan”dip äytä.

”Xäbär Türk” gazetı “Kondiŝioner tarmağında maqsat-39 milliard dollar” isemle yazmasında Törkiyä palatalar häm birjalar berlegeneň kondiŝionerlar xaqındağı xisabına kürä,Törkiyä kondiŝionerlar tarmağı dön’ya bazarında 22 nçe urında tora. 2023 nçe yılda berençe 15 il arasına kerergä cıyınğan tarmaqnıň maqsatı - 39 milliard dollar.

”Vatan” gazetı” Märmär êksportçıları 3 milliard 400 million külämendäge AQŞ bazarına yünälde” isemle xäbarendä Törkiyä märmärçeläreneň 3 milliard 400 milion külämendäge Amerika Quşma Ştatları bazarı öçen êşkä kereşüen xäbär itä.

 İstanbul taw sänäğäte êksportçıları assoŝiyäse 4-7 nçe aprel’ könnärendä Orlandoda uzaçaq Coverings yärminkäsendä 80 firma belän qatnaşaçaq.

 “Sabah” gazetı “Törek hawa yullarınnan kötelmägän iğanäçelek” isemle xäbärendä Törek hawa yullarınıň Amerika Quşma Ştatlarınıň Indianapolis ştatına bäyle “Indy Eleven” futbol komandasına iğanäçe bulaçağın uquçıları belän urtaqlaşa.

Futbol klubı belän Törek hawa yulları arasında täêmin itelgän kileşügä kürä, şirkät futbol klubın räsmi xalıqara matçlarğa alıp baraçaq.