Törek matbuğatına küzätü 27.03.2017
27nçe mart könne basılıp çıqqan qayber törek gazetlarına küzätü
“Yäni Şafak” gazetı “Awrupağa terror reakśiyäse: borçılırsız” dip atalğan yazmasında İlbaşı Räcäp Tayyip Ärdoğannıñ İstanbulda xalıqqa möräcäğät itep yasağan çığışında 16nçı aprel’dä ütkäreläçäk referendumğa tıqşınıp, terrorçılarnı yaqlawçı Şveyśariyanı, Belgiyanı häm Germaniyanı kisätep: “Sez bezne borçıysız ikän, üzegez dä borçılırsız. Bu êşneñ başı ğına”, - dip äytüen citkerä häm çığışında Süriyä yullamasın da yasawçı İlbaşınıñ NATOdağı “berlektäş” illär belän bergä Süriyädä “PKK/PYD” terror oyışmalarına yärdäm itüçe illärne kisätüen belderä.
“Habär Türk” gazetı “Bolgariyadan Törkiyädäge saylawçığa ğariza basımı” isemle yazmasında Bolgariyada yäkşämbe könne ütkärelgän waqıtınnan êlek ğomum saylawnıñ Törkiyä öleşeneñ ike watandaşlığı bulğan töreklär öçen awırlıqqa äylänüen yaza häm töreklärneñ tawış birüen totqarlaw öçen “Kiril älifbası” belän saylaw komissiyäse aldında yärdäm almıyça ğariza yazunıñ mäcbüri itelüe arqasında şaqtıy keşeneñ kiçäge saylawda tawış birä almawın citkerä.
“Hürriyät” gazetı “Ruslarğa pasportsız kerü äzerlege” dip atalğan yazmasında referendum êşçänlegen Antaliyada alıp baruçı Tışqı êşlär ministrı Mäwlüt Çavuşoğlunıñ Antaliyada yäşäwçe Rusiyälelär belän oçraşuın xäbär itä:
“Rusiyä watandaşlarınıñ Törkiyägä pasportsız kerä aluı öçen başqarğan êşçänleklären añlatuçı Çavuşoğlu Rusiyä watandaşlarınıñ xätta çit il pasportı bulmıy torıp ta Törkiyägä kerä aluları öçen hawa mäydannarında tanıqların uqıy alaçaq cihazlarnıñ urnaştırılaçağın äytte.”
“Sabah” gazetı “Öç rekord xäzerdän ük garantiyälängän” dip atalğan yazmasında avtomobil’ sänäğäteneñ 2017nçe yılda maqsattı zuraytuın yaza:
“2016nçı yılda citeşterüdä häm êksportta rekordnı yañartuçı avtomobil’ sänäğäte 2017nçe yılda da yaña rekordlarğa taba bara. Yılğa tiz başlağan avtomobil’ sänäğäte 2017nçe yıl axırında citeşterüne 1 million 650 meñ danägä, êksportın 1 million 350 meñ danägä, êksport keremen isä 27 milliard dollarğa citkerüne maqsat itä.”
“Star” gazetı Yubileynı İstanbulda uzdırdı” isemle yazmasında böten zamanalarnıñ iñ zur tenorlarınnan Jose Carrerasnıñ “Final World Tour” qısalarında soñğı tapqır İstanbulğa kilüen xäbär itä:
““Grammy” bülägenä iyä legendar tenor Carreras İstanbuldağı yubiley konśertında muzıka yaratuçılarğa onıtılmas mizgellär yäşätte.”
