Törek matbuğatına küzätü 24.02.2017
24nçe fevral' könne basılıp çıqqan qayber törek gazetlarına küzätü
“Xäbär türk” gazetı “Trampka Törkiyäneñ ähämiyäten añlataçaqbız” isemle xäbärendä Amerika Quşma Ştatları Ğomüm ştab başlığı Djosef Danfordnıñ Süriyädä “DEAŞ” terror oyışmasına qarşı köräşne tizläter öçen däwlät başlığı Donal’d Trampka täqdim iteläçäk “säyäsi-xärbi” variantlarda Törkiyä belän AQŞ arasındağı köçle ittifaqnıñ däwam itterelüe öçen adımnarnıñ yasala alınaçağı yullamasın yasawın yaza.
Xäbärgä kürä Danford tübändägeçä citkerde: “Törek berlektäşlärebezneñ ähämiyäten söyläşäçäkbez häm palnnarıbıznıñ Törkiyä belän bulğan köçe ittifaqıbıznı däwam itterü buluına iğtibar älep itäçäkbez.”
“Sabah” gazetı “Germaniyada PKKğa röxsät bar, Ärdoğanğa yuq” isemle xäbärendä här forsatta irekläre turında süz alıp baruçı Germaniyaneñ Törkiyägä qarşı bulğan terror oyışmalarına qoçaq açunı däwam itterüen citkerä.
Gazet yazuına PKK terror oyışmasınıñ mitingına röxsät birgän, Fätullahçı terror oyışması äğzalärenä xuplaw kürsätkän Germaniya Törkiyä ilbaşı Ärdoğannıñ referendum mitingı öçen “Kirtä quyılsın” kampaniyasen başlatqan.
Xäbärdän kürengänçä Tön’yaq Ren Vestfalya vilayäte êçke êşlär ministrı Ral’f Yager federal’ xökümätneñ Tön’yaq Ren Vestfalya vilayäte yäisä Germaniyaneñ törle cirendä mondıy mitinglarnıñ oyıştırıluına qomaçawlawı zarurlığın äytte.
“Yäni Şafak” gazetı “Konsullıkta ber PKKlı” isemle yazmasında Amerika Quşma Ştatlarınıñ Törkiyäneñ Adana şähärendäge konsullığı tärcemäçese Xämzä Uluçaynıñ PKK belän bäyle operaśiyadä qulğa alınuın citkerä.
Gazet yazuınça Mardin Kızıltäpädä KCKnıñ yuğarı däräcäle ber keşese belän küreşep söyläşkän häm uram çaralarına qotırtu belän ğayeplängän Uluçay Adanada konsullıktan çıqqan waqıtta qulğa alındı. Xämzä Uluçay 1nçe mart könne ul waqıttağı AQŞ êçke iminlek ministrı Djeh Djonsonnıñ Adanadağı çatır şähärçegenä säfärendä tärcemäçe bulğan ide.
“Star” gazetı “Berençe gaz 2018dä” isemle xäbärendä Azärbaycan gazın Awrupağa küçeräçäk Kön’yaq gaz koridorı proyektı cıyılışınıñ Baqıda uzuın yaza.
Xäbärgä kürä däwlät başlığı İlham Aliyev tübändäge açıqlawnı yasadı: “2011dä Ärdoğan belän Trans Anadolu tabiği gaz ütkärgeçe TANAPka quyğan imzabız bu proyektnıñ borılış noqtasıdır.”
Gazet yazuınça Ênergetika häm tabiği çığanaqlar ministrı Bärat Albayrak ta “TANAPta tözeleşneñ 65%ı tamam. 2018dä berençe gaznı qudıraçaqbız,” – açıqlawın yasadı.
“Xörriyät” gazetı “İke tel östälä” isemle yazmasında Törkiyäneñ Milli mäğqarif ministrlığı tarafınnan kiläse yılnı urta mäktäplärdä uqıtılaçaq alban häm bosniya telläreneñ fakul’tativ däres bularaq uqu-uqıtu programmasına kertelüen uquçıları belän urtaqlaşa.
Xäbärgä kürä ike tel Yäşäwçe tellär häm dialektlar därese qısalarında öyräteläçäk.
