Törek matbuğatına küzätü 30.01.2017

“Watan” gazetı “Kardak yullaması” isemle xäbärendä Fätullahçı terror oyışması äğzase bulğan 8 tüntäreleşçene tapşırmağan Afina citäkelegenä berençe reakśiyaneñ Ägäydän belderelüen yaza.

Xäbärgä kürä Törkiyäneñ Ğomüm ştab başlığı, Armiya generalı Hulusi Akar 21 yıl êlek Törkiyä belän Greśiyane suğışqa xätle diyärlek citkergän Kardak utrawına komandirlar belän bergä syurpriz säfär yasadı.

Gazet yazuınça Greśiya mediası säfär waqıtına iğtibarnı cälep itkän. “Törkiyäneñ bu adımı 8 tüntäreleşçeneñ tapşırıluı taläbeneñ kire qağıluınnan soñ yasaldı. Töreklär üz süzen äytte,” – anlatması yasalğan. Armiya generalı Hulusi Akar isä Törkiyäneñ ciröstendä, diñgez häm hawada xoquq häm mänfäğateneñ saqlanılaçağın belderde.

“Yäni Şafak” gazetı “2030nçı yılda maqsat – 250 xärbi oçqıç” isemle xäbärendä Törkiyä belän Angliya arasında törek reaktiv oçqıçları mäs’äläsendä quyılğan imzalarnıñ ildä häm bar dönyada zur yañğıraş tabuın yaza.

Xäbärdän kürengänçä saqlanu häm aviaśiya sänägätendä çit ilgä bäylelekne beterüne maqsat itüçe Törkiyä milli xärbi oçqıç TF-X belän Törek qorallı köçläreneñ köçenä köç östiyäçäk.

Gazet yazuınça 2023nçe yılda kük yözendä bulaçaq cirle xärbi oçqıçnıñ berençe êtapta 250 danä citeşterelüe maqsat itelä.

“Xäbär türk” gazetı “AQŞ tıyuğa qarşı” isemle yazmasında Amerika Quşma Ştatları däwlät başlığı Donal’d Tramp imzalağan häm 7 möselman il watandaşlarınıñ ilgä kerüen tıyuçı qararnamäneñ zur reakśiya kiterep çığaruın citkerä.

Xäbärgä kürä tıyu arqasında ilneñ törle şähärlärendä protest çaraları oyıştırılğan. N’yu Yorktağı JFK hawa mäydanında cıyılır öçen sośial’ mediada Möselmannarğa tıyu yuq iseme astında oyışqan yözlärçä keşe tıyuğa qarşı berlek bulğan.

Gazet yazuınça “We are all muslims” dip yazılğan plakatlar kütärgän törkem İslamğa qarşı reakśiyağa tawışın kütärgän.

“Sabah” gazetı “5 million Rusiyäle Törkiyägä kilä” isemle xäbärendä 16-18nçe fevral’ könnärendä İstanbulda oyıştırılaçaq Bötendönya turizm forumınıñ Rusiyä cıyılışınıñ Mäskäwdä uzuın citkerä.

Xäbärgä kürä Törkiyägä iñ küp satış çınğa aşırğan 400 agentlık yaqınça 10 ildän 25 çığış yasawçını Mäskäwdä oçraştırğan Turizm forumında tarmaqnın yul kartası bilgelängän.

Gazet yazuınça operatorlarğa kürä bıyıl Rusiyädän Törkiyägä kim digändä 5 million turist kiläçäk.