Törek matbuğatına küzӓtü

“Xörriyӓt” gazetı “Saqlanu sӓnӓgӓtendӓ cirle êşlӓp çığaru şart” isemle xӓbӓrendӓ Törkiyӓ ilbaşı Ӓrdoğannıň saqlanu sӓnӓgӓteneň yuğarı texnologiya kirӓkterüçe barlıq ixtıyacları kebek iyӓrçennӓrne dӓ monnan soň yana mömkinleklӓr belӓn qamillӓşterüneň şart buluın ӓytüen yaza.

Xӓbӓrgӓ kürӓ Göktürk-1 iyӓrçeneneň oçırtıluı belӓn söyeneçneň küzӓtelüen assızıqlağan Ӓrdoğan: “Qayber könbatış illӓreneň ütkӓndӓ bulğanı kebek ilebezgӓ qayber xӓrbi tovarlarnı satmaw qararın qabul itüenӓ şahit bulabız. Şökerlӓr bulsın, bügen Törkiyӓ 14 yıl êlekkegӓ qarağanda saqlanu sӓnӓgӓte uňışlarında çit ilgӓ bӓylelekne yartılaş azayttı. 80%lardan 40%larğa kimegӓn bu tarmaqtağı çit ilgӓ bӓylelekne 2023nçe yılğa qadӓr zur ülçӓmdӓ betererbez inşallah,” – dide.

“Star” gazetı “Törkiyӓgӓ qarşı bulu Awrupa Berlegenӓ zıyan kiterӓ” isemle xӓbӓrendӓ Awrupa Berlege ministrı Ömӓr Çӓlikneň könbatış başqalalarına çaqıru yasap: “Törkiyӓneň Awrupa Berlegenӓ quşıluı öçen başçalarnı açığız, monnan soňğı barış bik möhim,” – digӓn süzlӓren citkerӓ.

Gazet yazuınça rasaçılıqqa qarşı bergӓ körӓş alıp barunıň zarurlığın ӓytkӓn Çӓlik Awrupa illӓrendӓ islamofobiya hӓm çit il keşelӓrenӓ doşmanlıqnıň könnӓn-kön artuın belderde.

Xӓbӓrgӓ kürӓ Törkiyӓneň Yaqın könçığışta ütkӓrgӓn operaŝiyalӓrneň Awrupa hӓm NATOnıň iminlege öçen dӓ zur ӓhӓmiyӓtkӓ iyӓ buluın citkergӓn Çӓlik Törkiyӓ belӓn Awrupa Berlege arasında köçle küperlӓrneň qorıluı kirӓklegen açıqladı.

“Yӓni Şafak” gazetı “Törkiyӓdӓ şӓhӓrlӓrne üsemleklӓr yaqtırtaçaq” isemle xӓbӓrendӓ Gӓbzӓ texnik universitetı laboratoriyalӓrendӓ çınğa aşaçaq Organik yaqtılıq taratuçı üsemleklӓr proyektı yӓrdӓmendӓ uram, prospekt hӓm öylӓrdӓge yaqtırtu sistemalarınıň urınına üsemleklӓrneň kilüe maqsat itelӓ.

Xӓbӓrdӓn kürengӓnçӓ prospektlardağı yaqtırtu sistemalar urınına monnan soň organik yaqtılıq taratuçı üsemleklӓr kilӓçӓk. Utlaç böcӓge kebek can iyӓlӓrennӓn alınğan gennar üsemlek orlıqlarına urnaştırılaçaq. Yaqtırtu hӓm ênergiya uňdırışlılığı mӓs’ӓlӓlӓrendӓ êşçӓnlek başqaruçı Gӓbzӓ texnik universitetınıň Ximiya bülegendӓ proyekt assistentı Murat Şahinneň êşçӓnlege qısalarında utlaç, medüza kebek yaqtılıq sibüçe can iyӓlӓreneň bu üzençӓleklӓren üz êçenӓ aluçı gennar alınıp, üsemlekneň orlığına urnaştırılaçaq.

Gazet yazuınça üsemlekneň dӓ anı cӓyӓ başlawı belӓn taşığan molekulyar yaqtılıqnı tirӓ-yaqqa tarataçaq.