Törek matbuğatına küzätü 07.11.2016

 “Xörriyät” gazetı “Könbatış üz-üzen yuqqa çığaraçaq ğamällär başqara” isemle yazmasında Törkiyä ilbaşı Räcäp Tayyip Ärdoğannıñ İstanbuda uzğan Mediśina belemnäre universitetında yasağan çığışında Awrupanıñ “PKK” terror oyışmasına qarata totışın tänqitläp könbatış dönyasınıñ üz –üzen yuqqa çığaraçaq ğamällär başqaruı turında äytüen citkerä.

 Xäbärdän kürengänçä,bumerang kebek kire borılıp  ber kön alarğa da höcüm itäçägenä basım yasawçı Törkiyä ilbaşı “Terror oyışmaları qarşında prinśipsız ,ikeyözle totış kürsätälär. Sıyınuçılarğa qarata totışların da onıtmasqa kiräk. Rasaçılıq,İslam doşmanlığı könbatışnıñ ütkänendä bolay da bulğan çirlär tağın arta başladı”dide.

”Star” gazetı “Standard & Poor's” çınbarlıqnı kürde,investiśiyälär artaçaq” isemle xäbärendä Törkiyä finans ministrı Naci Ağbalnıñ xalıqara kredit bäyäläw oyışması  “Standard & Poor's”nıñ Törkiyäneñ kredit torışın “tiskäre”dän “torğın”ğa kütärüe xaqında Törkiyäneñ struktura reformalarına bäylelegeneñ  “Standard & Poor's” tarafınnan qabul itelüeneñ möhim waqiğa buluına basım yasawın citkerä.

 Gazet yazuınça, Törkiyägä kapital salırğa uylawçılarda il belän bäyle ışanıç buluın belderüçe Ağbal ilneñ urta häm ozın möddättä üseş potenśialın kürgän küp kenä investornıñ Törkiyägä kilep kapital saluın assızıqladı.

 “Vatan” gazetı “Êksportta 8 yılnıñ rekordı” isemle yazmasında  Törkiyäneñ êksport liderı avtomobil’ tarmağınıñ 2008 nçe yılnıñ  oktyabr’ ayınnan başlap xazerge waqıtqa qadär aylıq bazada iñ yuğarı êksport kürsätkeçenä ireşüen xäbär itä.

Uludağ avtomobil’ industriyäse êksportçıları Berlege mäğlümatlarına kürä, avtomobil’ êksportı uzğan yılnıñ şul uq däwere belän çağıştırğanda 8,2 %qa artıp 2 milliard 190 million dollarğa citte. Oktyabr ayındağı kütärelü illär bazasında da üzen kürsätte. Germaniya tarmaqnıñ iñ zur bazarı bularaq berençe urınnı saqlap qaldı. İkençe urında İtaliya, öçençe urında isä Franśiya buldı.

”Yäni Şafak” gazetı “AQŞnıñ “Quantum 3D” firması Törkiyäneñ hawa êlektron sänäğäteneke buldı” isemle yazmasında Törkiyä hawa êlektron sänäğäte “HAVELSAN”nıñ  Amerika Quşma Ştatlarındağı Silikon üzänlegendä êşçänlek başqarğan “Quantum 3D” firmasın satıp aluın uquçıları belän urtaqlaşa.

“HAVELSAN” şirkäte ğomum mödire Äxmät Hamdi Atalay Kaliforniya ştatında urnaşqan Silikon üzänlegendä  uzğan tantanada yasağan çığışında texnologiyanıñ iñ yuğarı noqtası qayda bulsa anı quıp citü öçen tırışuların belderde.

”Sabah” gazetı “Liśey uquçısı Älifnaz vakśina saqlaw cihazı belän dönyada berençe urınğa layıq buldı” isemle xäbärendä  Törkiyädä liśey uquçısı Älifnaz Şäntürkneñ ğailä tabibı ulğan ätiseneñ vakśina saqlawdağı qıyınlıqlarına çişeleş tabu öçen uylap tapqan cılıtu häm suıtu sistemaların bergä qullanıp cılılıqnı daimi xälgä kitergän cihaz proyektı belän Braziliyada uzğan häm 21 ildän 400 tiräse proyekt qatnaşqan dönyaküläm “Fänni proyekt” bäygesendä berençe urınğa layıq buluın belderä.