Törek matbuğatına küzätü 11.10.2016

“Xörriyät” gazetı “Törek Ağımında tarixi imza” isemle xäbärendä Törkiyä ilbaşı Räcäp Tayyip Ärdoğan belän Rusiyä däwlät başlığı Vladimir Putinnıñ düşämbe könne İstanbulda 23nçe Bötendönya Ênergetika kongresınnan soñ Mabeyn sarayında 1 säğat 40 minut barğan söyläşü ütkärüen yaza.

Xäbärgä kürä söyäşüdän soñ 2 lider oyıtırğan matbuğat oçraşuında ike ilneñ ênergetika ministrları Rusiyä gazın turıdan Törkiyägä küçeräçäk, annan könyaq könçığış Awrupağa ireşteräçäk Törek Ağımı tabiği gaz ütkärgeçe proyektında xökümätlärara kileşüne imzaladı.

“Xäbär türk” gazetı “Ênergik ittifaq” isemle yazmasında 23nçe Bötendönya Ênergetika kongressında Törkiyä ilbaşı Ärdoğan häm Rusiyä däwlät başlığı Putinnıñ ike il arasındağı iñ kiñ qırlı partnerlıknı başlatuın citkerä.

Xäbärdän kürengänçä Törek Ağımı proyektı öçen imzalar quyıldı. Rusiyä Mersin şähärendä töziyäçäk Aqqoyı atom-töş ênergiya stanśiyasendä barış tizlänäçäk. Vizada êşmäkärlärä östenlek bireläçäk.

Gazet yazuınça Rusiyä Törkiyädän śitrus, yäşelçä häm igençelek êşlänmäläre êksportına çikläwne beterde. İke il saqlanu mäs’äläsendä xezmättäşlek başqaraçaq. Törkiyä ğaläm häm hawa saqlanu sisteması tendrı öçen Rusiyädän dä täqdim alaçaq.

Xäbärdä Rusiyäneñ ayıruça Mavi Ağım belän Törkiyägä satqan tabiği gaz bäyäsendä taşlama yasayaçağı urın ala.

“Watan” gazetı “Tarixi kileşü” isemle xäbärendä İstanbuldağı Bötendönya ênergetika oçraşuında syurprizneñ buluın yaza.

Xäbärgä kürä Rusiyä gazınıñ Qara diñgezdän Törkiyägä küçerelüe, annan da Awrupağa citkerelüe öçen planlanğan Törek Ağımı proyektı başaltıldı.

Gazet yazuınça Törek Ağımı proyektı imzaları Törkiyä ilbaşı Ärdoğan belän Rusiyä däwlät başlığı Putin yanında quyıldı. Kileşüne Törkiyä isemennän Energetika ministrı Bärat Albayrak belän Rusiyä isemennän ênergetika ministrı Aleksandr Novak quydı. Ärdoğan ênergetika xezmättäşlegeneñ däwam itäçägen assızıqlap, Törkiyäneñ ênergetika koridorına äylänäçägen äytte.

“Sabah” gazetı “Şähitlärgä xörmät, törek xalqına maqtaw” isemle xäbärendä Ênergetika kongressında qatnaşqan qunaq liderlarnıñ Fätullahçı terror oyışması/parallel’ däwlät qorılışınıñ 15nçe iyul’ könge xain tüntäreleş kereşüen ğayepläp, Törkiyä yanında buluların açıqlawların yaza.

Xäbärdän kürengänçä Rusiyä däwlät başlığı Vladimir Putin tüntäreleş kereşüenä qarşı wazğiyätne kontrol’ astına alğan törek xalqın täbrik itüen, Törkiyägä dä uñışlar teläwen äytte.

Gazet yazuınça Azärbaycan ilbaşı İlham Aliyev: “Törkiyä qaharmanlıq ürnägen kürsätep, tüntäreleşkä qarşı çıqtı häm ilbaşı Ärdoğan yanında berläşep, bu awır imtixannan uzdı. Törkiyä belän qardäşlegebez daimider,” – dide.

Xäbärgä kürä Venesuêla däwlät başlığı Nicolas Maduro da 15nçe iyul’ könge tüntäreleş kereşüendä törek milläteneñ demokratiyane yaqlawın belderep, şul uq wazğiyätneñ ilendä dä barlıqqa kilüen citkerde.