Törek matbuğatına küzätü

Törek matbuğatına küzätü 30.06.2016

30nçe iyun könne basılıp çıqqan qayber törek gazetlarına küzätü  

 ‘Star’ gazetı “Putinnan Ärdoğanğa “Yaña ber bit açıq” isemle xäbärendä

Oçqıç krizisınnan soñ Törkiyä ilbaşı Räcäp Tayyip Ärdoğannıñ Rusiyä däwlät başlığı Vladimir Putingä cibärgän xattan soñ ike lider telefonnan söyläşü ütkärde dip yaza.

Gazet urıs lidernıñ: “Oçraşudan bik qänäğät buldım. Xäzerge  wazğiyät ike il öçen faydalu tügel. Yaña bit açıq”,dip äytüen citkera.

Xäbärgä kürä,  Ärdoğan häm Putin  ike yaqlı mönäsäbätläreneñ cayğa salınuı häm qara qarşı oçraşu mäsäläsendä kileşte; İke lidernıñ 4-5nçe sentyabr könne Qıtayda oyıştırılaçaq 2016 G20 Hangzhou yuğarı däräcäle oçraşu aldınnan oçraşuı planlaştırıla.

 “Xäbärtürk” gazetı “Ğazzäneñ bäyräm büläge Törkiyädän” isemle xäbärendä

İzrail belän cayğa salu barışının başlawınnan soñ Ğazzägä humanitar yärdämne alıp baraçaq “Lady Leyla” köymäse Märsin portına yakor taşladı dip belderä.

Gazet irtägä köndezge säğätlärdä Ğazzäğä xäräkät itüe planlaştırılğan köymäneñ kargosı Ramazan bäyräme öçen qabat tikşerelüen yaza.

Xäbardän kürengänçä,moña kürä, 10 meñ tonnalıq aşaw-eçü tartmalarnıñ küläme 11 meñ tonnağa citergä tiyeş; Tartmalarğa 500 tonna könbağaş mayı östäläçak.

Gazet 20 meñ ayaq-kiyeme belän bergä tuplam 120 meñ kiyem cibäreläçäk dip xäbär itä.

 “Sabah” gazetı “İstanbul öçen, Törkiyä öçen doğa uqığız” isemle xäbärendä

Dönyada tanılğan isemnär dä İstanbul Atatörek aeroportında barlıqqa kilgän terror höcümenä reaktsiya kürsätte dip yaza.

Gazet  Madonna sotsial media xisaplarınnan terrornı ğayepläp “İstanbul öçen,Törkiyä öçen doğa uqığız.Başqa ber keşene yaratu ni öçen şundıy awır?” yullamalarnı çığarğanda, tanılğan ingliz modele Naomi Kêmpbell dä çäçäk şäklendäge aq-qızıl Törkiyä bayrağı belän bergä “Doğalarım häm söyüem İstanbul häm Törkiyä belän” yullamasın yasadı dip xäbär itä.

 “Yäni Şafak” gazetı “Qıtay belän atom-töş xezmättäşlege” isemle xäbärendä

Törkiyäneñ atom-töş energetika häm texnologiya ölkäsendäge adımnı  Qıtay belän xezmättäşleq qorıp tağın da nığıtırğa xäzerlänüen yaza.

Xäbärgä kürä,  Energetika häm Tabiğiy  çığanaqlar ministrı Bärat Albayrak häm Qıtay xalıqara energetika idaräse direktorı Nur  Bekri arasında atom-töş  energetika ölkäsendä kileşü berketmäse imzalandı.

Gazet Berketmä qısasınıñ atom-töş texnologiyäläre häm atom-töş xezmättäşlekneñ ike yaqlı bularaq üsterü buluı belderelde dip citkerä.

 “Xörriyät” gazetı “Ayşä Kulingä İtaliyadan büläk”  isemle xäbärendä  İtaliyanıñ prestij ädäbiyät büläklärennän “Premio” Rimda iñ yaxşı çit il roman büläge Ayşe Kulinnıñ İtaliyançada “Treno Per İstanbul (İstanbulda soñğı poyezd)” iseme belän basıp çığarılğan “Näfäs  Nafäsä” romanınıñ buldı dip yaza.