Törek matbuğatına küzätü
28nçe iyun könne basılıp çıqqan qayber törek gazetlarına küzätü
“Watan” gazetı “Ğazzägä berençe köymä comğa könne” isemle xäbärendä Törkiyä belän İzrailneñ 6 yıldan soñ kileşüen yaza.
Xäbärgä kürä Ğazzägä berençe yärdäm köymäse comğa könne yulğa çığa. Afät häm ğadättän tış xäl idaräse citäkçelegendä Lady Leyla isemle yök köymäse comğa könne Märsin portınnan quzğalıp, İzrailneñ Aşdot portına baraçaq.
Gazet yazuınça köymädä bäyrämdä Fälästinle balalarğa taratılaçaq 10 meñ uyınçıq belän ber rättän on, döğe häm 3 meñ tonna şikär bulaçaq.
“Sabah” gazetı “Milliardlık proyektlar başlatıla” isemle xäbärendä İzrail belän tä’min itelgän kileşüneñ energetika, saqlanu häm tözeleş tarmaqların köçäytäçägen citkerä.
Xäbärdän kürengänçä İzrail belän mönäsäbätlär cayğa salınğannan soñ Könçığış Urta diñgez mäydannarındağı gaznıñ Törkiyädän Awrupa bazarına küçerelüe turında süz bara alaçaq.
Xäbärgä kürä törek tözeleş şirkätläre İzraildä yuğarı külämle eşlär dä ala alaçaq. Alğı planğa çıqqan ikençe tarmaq isä – saqlanu häm aviatsiya sänägäte bulaca.
Gazet yazuınça ike il arasında Mavi Marmara höcümennän soñ tuqtatılğan 150dän artıq saqlanu sänägäte ölkäsendä eş üsterü proyektları bar. Yaña çor turizmğa da çağılaçaq.
“Yäni Şafak” gazetı “Dönyanıñ iñ yumart ile – Törkiyä” isemle yazmasında dönyada här yıl kürsätelüçe humanitar yärdämnärne sanap çığarğan Qalqınu initsiativa törkemeneñ “Dönyaküläm humanitar yärdäm xisabı”n açıqlawın uquçıları belän urtaqlaşa.
Xäbärgä kürä Törkiyä 2015nçe yılda milli tabışınıñ 0,37%ın humanitar yärdäm öçen bülep, tağın ber tapqır “Dönyanıñ iñ yumart ile” buldı. Törkiyä 2014nçe yılda kürsätkän humanitar yärdäm miqdarı 1,6 milliard dollar bulğanda, uzğan yılnı ike tapqırğa, yägni 3,2 milliard dolarğa citte.
Gazet yazuınça Törkiyä kürsätkän 3,2 milliard dolarlık humanitar yärdäm uzpan yılnı bar dönyada yasalğan yärdämneñ 11%ın täşqil itä.
“Xäbär türk” gazetı “Törek xirurgına Awrupadan büläk” isemle yazmasında Törkiyädäge Metabolik xirurgiya waqıfı başlığı dotsent, doktor Alpär Çälikneñ 2 diabet xastalığınıñ xirurgik ısullar belän däwalanuındağı uñışı öçen Awrupa Endokrinologiya Kongressı tarafınnan “Yäş belgeç” bülägenä layıq buluın citkerä.
Xäbärgä kürä Awrupa Endokrinologiya Cämğiyäte tarafınnan Germaniyaneñ München şähärendä 18nçese oyıştırılğan kongressta doktor Çälikkä büläk Dr. Äyläm Çağıltay belän bergä alıp barğan tikşerenü eşçänlekläre öçen birelde.
