Törek matbuğatına küzätü 20.06.2016

“Yäni Şafak” gazetı "14 vilayättä qoral kümelde” isemle yazmasında Änkara, Dänizli häm Adanada iminlek berämlekläre qulğa alğan “PKK” terror oyışmasınıñ 3 citäkçese çişeleş barışında xasil bulğan tınıçlıq moxitın forsat dip belep, bäreleşlär mäydanın Törkiyä külämenä cäyelderü öçen niçek äzerlek yasawların böten neçkälekläre belän añlatuın yaza.

Bu mäğlümatkä kürä, terror oyışmasınıñ çit illärdäge lagerlarında maxsus öyrätelgän 287 terrorçı Törkiyägä, bigräk tä könbatış vilayätlärenä cibärelep, küzläw häm küzätü êşçänlegen başqaruı bilgelände. “PKK”nıñ şuşı maqsat nigezendä xäzergä çaqlı bilgelängän 14 vilayättä şartlatqıç häm xärbi kiräk-yaraqlarnı kümüe bilgele buldı.

“Vatan” gazetı /"Törkiyä iñ yaxşısın yasıy, sez dä yasağız” dip atalğan yazmasında Süriyädä yäşängän watandaşlar suğışı arqasında zur humanitar krizis barlıqqa kilgän bulsa, sıyınuçılarğa çiklären açqan häm iñ zur yärdäm kürsätüçe Törkiyä Bötendönya qaçaqlar könendä xalıqara cämäğätçelekkä çaqıru yasawın belderä. Törkiyä tışqı êşlär ministrlığınıñ yazma belderüen citkerüçe gazet Törkiyäneñ 2011nçe yıldan birle illären taşlap kitkän 2 million 700 meñnän kübräk Süriyäle sıyınuçını qunaq itüen, Ğiraq häm Äfğanstan watandaşı bulğan sıyınuçı sanınıñ 3 millionğa citüen yaza häm belderüdä “Törkiyä dönyada zolımnan qaçqan awır xäldäge keşelärneñ yanında buluın, alarnıñ urnaşqan illärdä keşeçä yäşäyeşkä qawışuın tä’min itü öçen härtörle yärdämne buldıraçağın häm kiräkle teläktäşlekne kürsätäçägen tağın ber qat belderä”, - dip äytelüen assızıqlıy.

“Hürriyät” gazetı "İtalian “Pirelli” Törkiyäne 128 ilneñ üzäge itep qıldı häm başına Murat Akyıldıznı kiterde” dip atalğan yazmasında italian şina däwe “Pirelli”neñ global’ satularınıñ 50%ın başqarğan “Pirelli industrial şinalar” bülegen Törkiyägä bäyläwen xäbär itä. Gazet yazuınça, 128 ilne üz êçenä alğan üzäkneñ nığıtması, bazası İstanbul bulsa, citäkçese itep isä Murat Akyıldız buldı. “Pirelli”neñ iñ yuğarı 4 citäkçesennän berse bulğan Akyıldız bu alğarış belän bergä Törkiyäneñ roleneñ artaçağın äytte.

“Habärtürk” gazetı "Frantsiya uram cıyınnarın tıyunı bäxäsläşä” dip atalğan yazmasında Frantsiyada yaña êş qanunıa qarşı il külämendä êş taşlaw çaraları däwam itkän çaqta “Sotsialist” partiya xökümäte uram cıyınnarın häm yöreşlärne tıyu mäs’äläsen quzğatuın yaza.

“Sabah” gazetı "Baylığı yuğalğan” isemle yazmasında üzenä “Liviya inqilabınıñ qärdäş liderı häm yul kürsätüçese” däräcäsen saylap alğannan soñ Liviyanı 42 yıl buyı citäklägän Muammär Qaddafineñ milek baylığı turındağı bäxäslärneñ däwam itüenä iğtibarnı yünältä.

Yazmada bolay diyelä. “Frantsiyanıñ “Le Monde” gazetında çıqqan mäqälägä kürä, Qaddafineñ Könyaq Afrika, Amerika Quşma Ştatları, İtaliya, Şveytsariya häm Angliyada saqlağan aqçalarnıñ miqdarı 400 milliard dollarğa citä. Monnan tış bu miqdarğa bärep töşerelgän diktatornıñ küçmäs milege kermi. Fäqät ni xalıqara cämäğätçelek yaqlawçı Liviya berlek xökümäte dä, ni dä liviya xalqı bu baylıqnıñ üzlärenä qaytarılaçağın uylıy.