Törek matbuğatına küzätü 30.05.2016

”Star”gazetı ”Yäşlär “PKK”nıñ çınbarlığın üz küzläre belän kürde”isemle xäbärendä  Törkiyä ilbaşı Räcäp Tayyip Ärdoğannıñ İstanbulnıñ ciñep alınuı tantanasında millonnan kübräk keşe cıyılğan mäydandağı xalıqqa möräcäğätendä yäşlärneñ “PKK” terror oyışmasınıñ çın yözen kürülären belderüe turında yaza.

Xäbärdän kürengänçä, Ärdoğan mäcbüri räweştä oyışmağa kertelgän yäşlärneñ çınbarlıqnı üz küzläre belän kürep “PKK”dan qaçuların citkerde.

“PKK”lı terrorçılar qulında Rusiya raketaları buluına basım yasawçı Ärdoğan Törek Qorallı köçläreneñ  uñışlı operatsiyälär başqaruın assızıqladı.

“Sabah” gazetı” Awrupalı jurnalistlar qaçaqlar lagerında” isemle xäbärendä Berläşkän Millätlär Oyışması tarafınnan Törkiyäneñ İstanbul qalasında uzğan Bötendönya humanitar sammitı öçen Albaniya, Bosniya-Gertsegovina,Montenegro,Kosovo,Makedoniya häm Serbiyadan kilgän 15 jurnalistnıñ Kilistäge Älbäyli qaçaqlar lagerına baruın xäbär itä.

Gazet yazuınça, çit il jurnalistları süriyäle sıyınuçılarğa Törkiyäneñ niçek üz işeklären açuın üz küzläre belän kürde. 

“Yäni Şafak”gazetı” Törkiyä Ramazan ayında dönyanıñ här poçmağına yärdäm cibäräçäk” isemle xäbärendä Törkiyä diyänät waqıfınıñ Ramazan ayında dönyadağı 88 il häm 500 töbäkkä yärdäm qulı suzaçağın belderä.

Xäbärdän kürengänçä,yärdämnär 59 meñ 185 ärçädän tora. Şulay uq 200 meñ keşegä iftar aşı bireläçäk.

“Xörriyät”gazetı” Kärwan belän 3 atna Törkiyä” isemle xäbärendä  10 ay elek “Mersedes – Benz” Törkiyäneñ berençe xatın-qız citäkçese bulğan alman Britta Seegerneñ tormış iptäşe häm 14 yäşlek 3 balası belän bergä 3 atna kärwan belän Törkiyädä yal itäçägen citkerä.

Ğailäse belän Törkiyägä kilüdän qanäğät buluların belderüçe Seeger “Törkiya ışanıçlı,imin il. Anda här cirgä barabız. Barlıq alman duslarıbızğa da monı äytäbez”dide. Seeger İstanbulğa kilüçelärgä ayıruça Kapalıçarşı, Soltanäxmät,Ayasofyanı gizärgä kiñäş itte.

“Xäbär Türk” gazetı “Märsingä 2 million yarım turist kilüe kötelä” isemle xäbärendä  Märsinneñ kiläse yıllarda turizmğa zur ähämiyät biräçäge turında yaza.

Gazet yazuınça , şähär yıl buyı turist kitertüne maqsat itep quya.

İnanu häm sport turizmınıñ kamilläşüe öçen qorılmalar açu berençe maqsatlar arasında urın ala. Märsinneñ dönya turizmında möhim üzäk xälenä kilüe kötelä. Töbäkta qoyaş, qom,diñgez turizmı yanında mädäniyat häm inanu turizmı da alğı planğa çığa. 

.