Törek matbuğatına küzätü 16.05.2016

”Yäni Şafak”gazetı “Ul qoral depoları” isemle xäbärendä “DEAŞ”terror oyışması,Süriyä rejimı häm Rusiya arasındağı qoral xäräkäteneñ fotoräsemnär belän räsmiläşterelüe turında yaza.

Xäbärdän kürengänçä, “DEAŞ”terror oyışması Xalebnıñ tönyağına qoral deposı yasadı. Rejim qoralları bernindi kirtäsez qulğa töşerelde. Yök maşinalarına töyälgän qorallar 200 çaqrımlıq yulnı Äsäd rejimı belän bergä İran, Rusiya häm xalıqara koalitsiya da kürgän kileş uzdı. Qorallar Xalebnıñ tönyağında imin,ışanıçlı töbäkkä qarşı höcümnärdä qullanılaçaq.

“Vatan”gazetı” Qıtaylar Törkiyägä yünälde” isemle xäbärendä Qıtayda yılda 5 milliard dollar azıq-tölek häm awıl xucalığı eşlänmäläre importlağan häm bu importnıñ ber öleşen Törkiyädän alırğa telägän firmalarnıñ yuğarı däräcäle räsmi zatlarınıñ Antalyağa kilüen xäbär itä.

 Gazet yazuınça, Qıtay wäkillege Törkiyädän töçe çiyä, limon, anar,çikläwek,kipterelgän incir,kipterelgän abrikos,zäytün häm zäytün mayı ,on, bal, tawıq satıp alırğa teläwen belderde. Qıtay firmaları älege äyberlärne satıp alu öçen Könbatış Urta diñgez eksportçılar oyışmasında söyläşülar ütkärde.

“Xörriyät” gazetı “Törkiyä, Azärbaycan häm Gruziya xärbi xezmättäşlekne tiränäytä” isemle xäbärendä Törkiyä, Azärbaycan häm Gruziya saqlanu ministrlarınıñ kiçä Azärbaycannıñ Gäbälä qalasında yaña xärbi xezmättäşlek däwere başlanuın simvollaştıruçı urtaq beldergegä qul quyuların belderä.

 Xäbärdän kürengänçä,Törkiyä milli saqlanu ministrı İsmät Ylmaz  Törkiyä –Azärbaycan-Gruziya saqlanu ministrlarınıñ 4 nçe cıyılışınnan soñ yasağan belderüendä Kavkazda Törkiyä, Azärbaycan häm Gruziya arasında könnän kön tiränäyä baruçı xezmättaşlekneñ öç ilneñ urtaq mänfäğätlärenä xezmät itüçe mexanizm buluına basım yasadı.

Yılmaz Ärmänstan - Azärbaycan bäreleşläre häm Tawlı Qarabax probleması belän bäyle “Ärmänstan agressiv ,basıp alu säyäsäten tuqtatırğa tiyeş. Mondıy säyäsät belän bernärsägä dä ireşä almaz”dide.   

“Sabah” gazetı “68 yıldan soñ ömetlär haman da yäşärä”isemle xäbärendä Ğazzädä küp sanda fälästinleneñ Näkbä yäğni olı fäläkätneñ 68 yıllığı uñayınnan yöreş oyıştıruı turında yaza.

 Fälästinlelär 1948 nçe yılnıñ 14 nçe mayında İzrailneñ yawlap alğan Fälästin cirlärendä bäysezlegen iğlan itüe häm fälästinlelärne küçep kitärga mäcbür itü säbäbe belän 15 nçe may könen olı fäläkät dip iskä ala.

“Xäbär Türk” gazetı”Kannda terror höcüme panikası” isemle xäbärendä dönyaküläm tanılğan yoldızlar qatnaşuçı film festivale däwam itkän Kann qalasında ber internet şirkäteneñ maxsus iminlek köçläre häm bitlekle keşelär ütkärgän tanıtu kampaniyäse çarasınıñ panika tudıruın häm soñınnan eşneñ asılı añlaşıluın uquçıları belän urtaqlaşa.