Törek matbuğatına küzätü 11.03.2016

“Star” gazetı “Törkiyägä qaçaq maqtawı”isemle xäbärendä Germaniya kantslerı Angela Merkelnıñ qaçaq krizisınnan cawaplı itep bilgelägän ministr Peter Altmaierneñ Törkiyäneñ sıyınuçılar krizisındağı totışınıñ küp kenä Awrupa Berlege ilennän tağın da awrupalı buluı turında äytüen citkerä.

Xäbärdän kürengänçä, “Die Welt” gazetına intervyu birüçe Peter Altmaier “Beräw dä Törkiyäneñ sıyınuçılar yögen üze genä kütärüen kötmäsen” dip beldergän.

“Sabah”gazetı” Xäzer Törkiyä waqıtı” isemle xäbärendä inflyatsiya, ağımdağı defitsit, sänäğät citeşterüe ,eksport tarmaqlarındağı barlıq makro mäğlümatlar häm üseş kürsätkeçlären saqlap qaluçı Törkiyäneñ çit il investorlarınıñ da populyar üzägenä äwerelüe turında yaza.

Gazet yazuınça, xalıqara finans oyışmaları xisaplarında Törkiyäne alğı planğa çığarğanda Awrupa Berlege belän mönäsäbätlär dä kötelgännärne tağın da nığıttı. Çit il keşeläre soñğı 1 ayda 725 million dollar külämendä obligatsiya satıp aldı.

“Vatan”gazetı “Toraq satuda dönya rekordı” isemle xäbärendä Törkiyäneñ toraq bäyäse artışında 2015 nçe yılda iñ yuğarı noqtağa citüen belderä. Yıllıq 18,4% bäyä artışı belän Törkiyä investorlar öçen iñ ışanıçlı urın bularaq bäyälände. Törkiyä berence tapqır 2015 nçe yılnıñ öçençe çiregendä bu isemlektäge Gonkongnı uzıp kitep berence bulğan ide. Yıl azağında isä 18,4% artış belän alege urının saqlap qaluçı Törkiyädän soñ isemlektä ikençe urında Yaña Zelandiya , öçençe urında isä Şvetsiya urnaştı.

“Yäni Şafak”gazetı “Turist öçen 1000 ilçe kilä” isemle xäbärendä Törkiyä mädäniyat häm turizm ministrı Mahir Ünalnıñ turizm paketınıñ neçkäleklären urtaqlaşuı turında yaza.

Xäbärdä ministrnıñ tübändäge süzläre urın ala:”Turist ilgä kilep citü belän aña yärdäm itü itü öçen törkem qorılaçaq. 400 keşe hawa mäydanında turistlarnı qarşı alaçaq, turizm ilçeläre bulaçaq. Turistik urınnarda häm muzeylarda 600 keşe wazıyfa başqaraçaq”.

“Xörriyät” gazetı” Yaman şeş belän köräşüçe törek citäkçe” isemle xäbärendä Amerika Quşma Ştatlarınıñ tanılğan yaman şeş üzäklärennän berse bulğan Oregon Health and Science University (OHSU) Knight Cancer Institututınıñ citäkçese itep professor doktor Sadık Äsänärneñ bilgelänüen xäbär itä.

200 dan kübräk tikşerenüçe wazıyfa başqaruçı institutını monnan soñ törek professor citäkläyäçäk.