Törek matbuğatına küzätü 08.02.2016

"Star"gazetı"Kerridan ul qorallar xaqında sorağan" isemle xäbärendä Törkiyä tışqı eşlär ministrı Mävlüt Çavuşoğlunıñ ike atnada AQŞ däwlät särqätibe Djon Kerri belän 5 tapqır telefonnan söyläşüe turında yaza.

Xäbärdän kürengänçä,söyläşüdä Kerriğa Obamanıñ maxsus wäkile McCurknıñ “YPG"terror oyışması belän küreşüe ,“PKK"da qulğa töşerelgän Amerika Quşma Ştatlarında eşlängän qorallar öçen borçılular citkerelgän. AQŞqa berlektäşlek kiräktergänne cirenä citkerü zarurlığı xäterlätelgän.

“Xäbär Türk" gazetı “Nobel komitetına Kilis xatı" isemle xäbärendä “Ğadälät häm qalqınu"partiyäseneñ keşe xoquqlarınnan cawaplı ğomum başlıq urınbasarı Ayhan Säfär Üstünneñ Nobel tınıçlıq bülägen üz xalqı qadär sıyınuçı qabul itkän Törkiyäneñ Kilis şähärenä birü öçen Nobel komitetına möräcağät itüen belderä.

Gazet yazuınça, Üstün Nobel Tınıçlıq büläge öçen 129 meñ xalqı bulğan Kilis qalasınıñ 2011 nçe yıldan birle Süriyädäge watandaşlar suğışı belän bäyle 120 meñ sıyınuçını sıyındırğan.

“Yäni Şafak"gazetı “Awrupağa küçenü" isemle xäbärendä Süriyäneñ Xaleb qalasında rejim köçläre Rusiya häm İrannıñ yaqlawı belän tınıç xalıqnı ütergändä Amerika Quşma Ştatları häm Awrupanıñ Süriyä krizisına iğtibarsızlığı 100 meñ keşeneñ tağın Törkiyägä kilüenä säbäp buluı turında yaza.

Xäbärdän kürengänçä, Törkiyädäge qaçaq sanınıñ 3 millionğa citüe Awrupağa iltüçe qapqalarnıñ açıluın qabat kön tärtibenä kiterde.Lagerlarda häm şähärlärdä yäşäwçe qaçaqlar arasında küçenü äzerlegeneñ başlanuı belderelä. Kim digändä 2 million qaçaqnıñ 28 nçe fevraldäge Jeneva söyläşlärennän dä ömet özüe häm könnär cılınğaç Awrupağa taba yul totuları kötelä.

“Xörriyät" gazetı “Qaçaq ağımı Könbatışnıñ xatası"isemle xäbärendä Amerika Quşma Ştatlarında keşe xoquqları ölkäsendä eşçänlek başqaruçı Freedom House oyışması başlığı Mark P. Lagonnıñ Awrupa Berlegeneñ qaçaq ağımı arqasında Törkiyägä üti almıy torğan süzlär birüen citkerä.

Lagon:"Amerika Quşma Ştatları häm Awrupa Berlege xökümätläre qaçaqlar mäs'äläsendä dä, Äsädneñ Süriyädäge küpläp üterülärenä cawap qaytaru mäs'äläsendä dä liderlıq kürsätä almadı. Qaçaq ağımı könbatışnıñ Süriyädäge xataları arqasında barlıqqa kilde",-dide.

“Sabah"gazetı “Qara diñgezgä maxsus turizm paketı"isemle xäbärendä soñğı yıllarda Qara diñgezgä qarata qızıqsınunıñ artuı älege töbäkkä yünälgän eşçänleklärne arttııruın xäbär itä. Xäbärdän kürengänçä,Qara diñgez töbägenä Ğaräp illäre ,Yıraq Könçığış häm Awrupadan turist kiterü öçen eşkä kereştelär. İlbaşı Räcäp Tayyip Ärdoğannıñ boyırığı belän Qara diñgez töbäge öçen maxsus ğamäl planı äzerlände. Älege plan belän turizm tarmağınayaqlaw kürsäteläçäk.