Törek matbuğatına küzätü 08.10.2014
8nçe üktäbr könne basılıp çıqqan qayber törek gazetlarına küzätü
“Xörriyät” gazetı Törkiyä xökümäteneñ Süriyä cirlärendä “imin töbäk” belän “oçış öçen tıyılğan töbäk” iğlan itelmiçä Törkiyä Böyek Millät Mäclesendä qabul itelgän kürsätmäne qullanırğa uylamawın yaza.
Xäbärdän kürengänçä bu Törek qorallı köçläreneñ çik buyınnan uzmayaçağın kürsätä.
Gazet Änkaranıñ Kobani şähäre häm xalqına humanitar yärdäm genä kürsätäçägen belderä.
“Yäni Şafak” gazetı “Çik buyında raketa platforması” isemle xäbärendä Kobanineñ könçığış häm könyaq könçışındağı strategik qalqulıqlarğa bayrağın elgän “Ğiraq-Dimäşk İslam däwläte terror oyışması belän körd törkemnäre arasında bäreleşlärneñ artuınnan soñ Törek qorallı köçläreneñ Süriyä çik buyına raketa platformaların urnaştıruın citkerä.
Xäbärdä tirä-yaqta iminlek çaraların kürgän jandarmeriyaneñ awıllarğa berkemne dä yaqın kitermäwe urın ala.
Gazet bäreleşlärneñ artuı arqasında Törek qorallı köçläreneñ iminlek çaraların iñ yuğarı däräcägä citkerüenä iğtibar cälep itä.
“Akşam” gazetı “Kipr söyläşülärendä krizis” isemle xäbärendä Kipr grek citäkçelege liderı Nikos Anastasiadisnıñ Törkiyäneñ tabiğıy gaz ezlängän töbäkkä suğış köymälären cibärüe arqasında söyläşü barışınnan çigelüen açıqlawın yaza.
Gazet Tönyaq Kipr Törek Cömhüriyäte ilbaşı idaräsenä bäyle matbuğat byurosı yasağan açıqlawnı uquçıalrı belän urtaqlaşa: “Törek tarafı bularaq Kipr mäs’äläseneñ qısqa waqıtta çınbarlıqlar nigezendä bar Kipr faydasına bulaçaq xalıqara kileşü belän näticälänüe mäs’äläsendä eçkersez bez häm monıñ öçen bezgä töşüçe wazifanı cirenä citkerüdä täwäkkäl bez.”
“Xörriyät” gazetı “İnitsiativa üzäge Törkiyä bulaçaq” isemle xäbärendä Törkiyädä initsiator sanın arttıru öçen eşkä kereşkän törek Türk Telekomnıñ “İnitsiativalarnı tizlätü programması” (PİLOTT) belän bügengä qadär 21 proyektka yärdäm kürsätüen yaza.
Gazet bu ölkädä Törkiyägä östämä kerem tä’min itärgä tırışuların añlatqan Türk Telekomnıñ Strategiya häm eş üsterü başlığı Hakan Dursunnıñ: “PİLOTT proyektın yañalıq initsiatorları belän xezmättäşlek başqaru häm ekosistemanı üsterep, iqtisadi fayda barlıqqa kiterü öçen möhim investitsiya bularaq küräbez,” – digän süzlären citkerä.
“Milliyät” gazetı Törkiyäneñ Kocaeli şähärendä eşçänlek başqaruçı “Polin”neñ dönyanıñ iñ zur 3 su parkı şirkäte arasında urın aluın yaza.
Gazet 1976nçı yıldan qorılğan “Polin”neñ Baham utrawlarınnan Vyetnamğa, Amerikadan Frantsiyağa, Ukrainadan Qıtayğa qadär dönyanıñ 90 ilendä üz markası belän su parkların tözüen belderä.
