Törek matbuğatına küzätü 03.10.2014

“Hürriyät” gazetı "298 tawış belän kürsätma tämam” dip atalğan yazmasında Ğiraq häm Süriyädän bäyle terror yanawlarına qarşı Törek qorallı köçläreneñ çit illärgä cibärelüe belän çit il qorallı köçläreneñ Törkiyädä urnaşuı häm kiçüe mäs’äläsendä xökümätkä 1 yıl wäqälät birgän kürsätmäneñ Törkiyä Böyek Millät Mäclesendä qabul itelüe xäbären citkerä. Gazet tawışqa quyuda 100 qarşı tawışnıñ birelüen yaza.

“Akşam” gazetı "Obamanıñ eksport taqımı İstanbulda!” isemle yazmasında turıdan-turı Amerika Quşma Ştatları İlbaşı Barak Obamağa bäyle bularaq eşçänlegen alıp baruçı “President’s Export Council” (PEC) wäkillegeneñ altı yıldır berençe çit il säfären Törkiyägä yasawın häm TÜSİAD idarä şurası belän ütkärelgän cıyılışta Törkiyäneñ soñğı çordağı iqtisadi häm säyäsi täräqqiyätläre, eş häm kapital salu şartları, Törkiyä-Amerika Quşma Ştatları arasındağı iqtisadi mönäsäbätlärdä alğa çıqqan mäs’älälär belän buluı mömkin xezmättäşlekkä qağılışlı fikerlär belän almaşıluın yaza.

“Star” gazetı "Qorban bäyräme yalı öçen watandaşlar il eçendäge turlarğa yünälde” isemle yazmasında: “Qorban bäyräme yalınıñ qısqa buluı häm atna azağına turı kilüe yal itüçelärne yaqın urınnarğa häm ildäge turlarğa yünältte”, - dip belderä häm Törkiyä säyäxät agentlıqları berlege (TÜRSAB) başlığı Başaran Ulusoynıñ Törkiyä buylap säyäxät turlarına qızıqsınunıñ xäzergä çaqlı 70% tiräsendä buluın uylawların häm Antalya töbäge belän bergä Bodrum, Marmaris, Kuşadasınıñ iğtibar üzägendä buluın äytüen citkerä. Gazet yazuınça, mädäniyät turlarında isä Kapadokya, Pamukkalä, Qara diñgez häm Könyaq Anadolu turları belän İstanbul tiräsendä isä Safranbolu turları zur qızıqsınu kürä.

“Sabah” gazetı "Altın äflisun küzlären Londondağı yoldızlarğa tökäde” dip atalğan yazmasında 51nçe Xalıqara Antalya altın äflisun film festivale direktorı Älif Dağdäviränneñ şul uq könnärdä uzdırılaçaq London film festivalendä qatnaşaçaq tanılğan yoldızlarnı “Altın äflisun”ga kiterergä teläwlären äytüen belderä. Gazet “Ğoref-ğädätlärdän kiläçäkkä” temasına basım yasalaçaq 51 yäşendäge festivalneñ 10nçı-18nçe üktäbr könnärendä ütkäreläçägen xäbär itä.