Törek matbuğatına küzätü 18.09.2014

“Hürriyät” gazetı “İminlek sammitınnan qaynar ĞDİD qararları” dip atalğan yazmasında Çankaya ilbaşı sarayında Däwlät başlığı Ärdoğan räislegendä uzdırılğan İminlek yuğarı däräcäle oçraşuında Amerika Quşma Ştatları telgä alğan koalitsiyada Törkiyäneñ nindi räweşta qatnaşaçağınıñ bäyälänelüen häm koalitsiyädä berlektäşlär belän xezmättäşlek qararına kilenüen yaza. Gazet belderüençä, bu qararlardan berse – Törkiyäneñ töbäktäge böten terror oyışmalarına qarşı köräş mäs’äläsendä berlektäşläre belän alıp barğan säyäsätlärne däwam itterüe buldı. Bu qısada küzläw mäğlümatläre belän almaşunıñ Amerika Quşma Ştatları belän bergä koalitsiya köçläre häm “Ğiraq-Dimäşq İslam däwläte” terror oyışmasına qarşı torğan här il belän däwam itäçäge qararı da qabul itelgän.

“Akşam” gazetı "İspaniya Törkiyägä “Patriot” raketasın cibäräçäk” isemle yazmasında İspaniya saqlanu ministrı Pedro Morenesneñ NATO programması qısalarında Hollandiya-Niderlandnıñ urının alu öçen Törkiyägä “Patriot” raketa batareyasın häm xärbilär cibäräçäklären açıqlawın citkerä. 4nçe-5nçe sentyabrdä Uelsta ütkärelgän NATO yuğarı däräcäle oçraşuında NATOnıñ Törkiyädäge eşçänlegen dä programlawın belderüçe ministr Morenes bu qısada İspaniyanıñ 6 “Patriot” raketa batareyası belän 130 ğäskäriyen Törkiyägä cibäräçägen äytte”.

“Sabah” gazetı "Tämäke tıyunıñ waqıtı bilgele buldı” isemle yazmasında Törkiyä sälamätlek saqlaw ministrı Mäxmät Müezzinoğlunıñ tämäke tartunıñ açıq mäydannarda çikländerelüenä qağılışlı kürsätmäneñ yıl başında ğämälgä keräçägen äytüen yaza. Gazet xäbär itüençä, ministr Müezzinoğlu: “Parknıñ bilgele ber poçmağında tämäke tartılğan urınnarnıñ buldırıluı, xastaxanä häm ğibädätxanä baqçalarında tämäke tartıla alınaçaq mäydannarnıñ ayırılıp quyıluı. Xalıqqa açıq restoran häm kafelar kebek uramnarda eşçänlek alıp baruçı urınnarda da tämäke tartılğan häm tartılmağan öleşlärneñ tärtipkä salınuı ölkäsendä äzerleklär yasıybız”, - dip äytkän.

“Star” gazetı "5nçe İstanbul finans sammitı tögällände” dip atalğan yazmasında yuğarı däräcäle oçraşunıñ yomğaqlaw öleşendä çığış yasawçı Törkiyä finans ministrı Mäxmät Şimşäkneñ iñ yuğarı noqtasına citüe isäplänelgän inflyatsiyanıñ qabat 5%nıñ astına töşüen ömet itülären äytüen belderä.

“Radikal” gazetınıñ internet säxifäsendä urnaşqan "Bu hönärne saylap aluçılar eşsez qalmayaçaq” isemle yazmasında Törkiyä xärbi bulmağan aviatsiya tarmağınıñ soñğı yıllarda tiz räweştä üsüe assızıqlana. Yazmağa qarağanda, 2013nçe yıl azağında aviatsiya tarmağında yulçı sanı 150 millionğa, aktiv hawa mäydanı (aeroportı) sanı 52gä citkän. Hawa yulı firmaları sanınıñ häm sıyfatınıñ artuı, köndäşlek şartlarınıñ barlıqqa kilüe, hawa mäydannarınıñ fiziki şartlarınıñ yaxşırtıluı häm modern küreneşkä äyländerelüe kebek faktorlar sektorğa tizlek qazandırdı. Bu räweşle tarmaq eş ezläwçe yäşlärneñ yaratqan sektorı bulğan. Eş belän tä’min itü proyektlawlarına kürä, iñ möhim defitsıtnıñ styuardessada buluı belderelä”.