Törek matbuğatına küzätü 16.09.2014

 “Star” gazetı “Kiräk bulsa mönäsäbätlärne özärbez” isemle xäbärendä Törkiyä ilbaşı Räcäp Tayyip Ärdoğannıñ Katarga ike könlek säfär yasap Törkiyägä qaytuı turında yaza.

Xäbärdän kürengänçä, oçqıçta jurnalistlarnıñ sorawlarına cawap birüçe Ärdoğan xalıqara kredit bäyäläw oyışmalarına tuqtalıp , Törkiyä belän bäyle bäyäläwlärneñ texnik tügel, säyäsi buluın , mondıy totış däwam itkän oçraqta ,xökümätkä alar belän mönäsäbätne özüne täqdim itäçägen citkerde.

“Milliyät”gazetı “700 futbol qırı zurlığında” isemle xäbärendä Törkiyädä Konyanıñ Äräğli ilçäsendä 1 million yarım ağaç bulğan 700 futbol qırı zurlığındağı alma baqçasınıñ Awrupanıñ ber urındağı iñ zur ciläk-cimeş baqçası üzençälegenä iyä buluın , baqçadan cıyılğan 20 meñ tonna almanıñ häm Törkiyägä, häm çit illärgä cibärelüen belderä.

“Yäni Şafak”gazetı “Törkiyädä berençe tapqır” isemle xäbärendä Törkiyä sälamätlek saqlaw ministrlığınıñ çit ildän kertelgän häm bik qimmät bulğan antibiotik häm yaman şeş awıruları daruların Törkiyädä citeşterü öçen eşkä kereşüen xäbär itä.

Gazet beldergänçä, sälamätlek saqlaw ministrlığı kiñäşçese Äyüp Gümüş Törkiyäneñ meditsina cihazları häm darularda çit illärgä bäylelektän qotıluı kiräklegen belderep, Törkiyä meditsina institutları räislege qorılaçağın häm aña bayle Biotexnologiya institutında daru eşläp çığaru belän bäyle eşçänleklär başqarılaçağın citkerde.

“Vatan”gazetınıñ “Amerika Quşma Ştatlarınnan süriyäle sıyınuçılarğa yärdäm” isemle xäbärennän kürengänçä, Amerika Quşma Ştatları Süriyä belän çiktäş illärgä östämä yärdäm kürsätäçägen , monıñ 47 million 400 meñ dollarınıñ Törkiyägä bireläçägen belderde.

AQŞ Livan, Yordaniya, Ğiraq häm Misırğa da aqçalata yärdäm cibäräçäk, tuplam yärdäm miqdarı 250 million dollar täşkil itä.

“Sabah”gazetı “Rekord quydı” isemle xäbärendä dönyaküläm tanılğan törek cırçısı Tarkannıñ İstanbul Harbiyä bistäsendä 9 kön kontsert quyıp 8 trillion aqça eşläwen , 9 köndä Tarkannıñ kontsertların 65 meñ keşe qarawın uquçıları belän urtaqlaşa.