Törek matbuğatına küzätü 09.09.2014
6nçı sentyabr könne basılıp çıqqan qayber törek gazetlarına küzätü
“Yäni Şafak” gazetı “Fälästin öçen aq yöreş” isemle yazmasında Fälästin cämğiyätläreneñ äydäp baruçanlığında Belgiya başqalası Bryusseldä cıyılğan ber törkemneñ yöreş oyıştıruın xäbär itä. Gazet Fälästin bayraqların kütärgän protestçılarnıñ İzrailgä qarşı şiğarlär äytüen yaza. Yazmada protestçılarnıñ İzrail räsmiläreneñ yasağan xärbi cinayät arqasında xökemgä tartıluın taläp itüe assızıqlana.
“Habärtürk” gazetı “Sänäğät citeşterüe iyüldä 3.6% arttı” dip atalğan yazmasında Törkiyä statistika oyışması yasağan açıqlawın urnaştırıp, Törkiyädä sänäğät citeşterüeneñ iyül ayında kötelgännän kübräk buluın, monıñ da iqtisadi üseşneñ däwam itüeneñ işaräte buluın belderä.
“Star” gazetı “2015 yıl banklar öçen 2014tän tağın da yaxşıraq uzaçaq” dip atalğan yazmasında “Yapı Kredi” bankı citäkçese Faik Açıkalınnıñ bäyäläwen urnaştırğan. Yazmada Faik Açıkalınnıñ: “Törkiyä çit il fondları öçen uñaylığın saqlayaçaq”, - dip äytkän süzlaren citkerä.
“Yäni Şafak” gazetınıñ sport säxifäsendä çıqqan “Taha Akgül – dönya çempionı” isemle yazmasında Üzbäkstanda başlanğan Bötendönya irekle köräş çempionatınıñ berençe könendä Törkiyä sportçılarınıñ medallärgä layıq buluın belderä häm törek köräşçeläreneñ uñışı turında mäğlümat birep uza. Gazet Taha Akgülneñ altın medal, Yakup Görneñ kömeş häm Sälim Yaşarnıñ da bronza medal yawlawın xäbär itä.
