Törek matbuğatına küzätü 17.08.2014
17nçe avgust könne basılıp çıqqan qayber törek gazetlarına küzätü
“Star” gazetı Hamasnıň räsmi süzçese Sami Äbu Zuhrineň daimi utnı tuqtatu öçen İzrailne Ğazzädäge blokadasın beterergä çaqıruın yaza.
Gazet Äbu Zuhrineň yazulı açıqlawında “Ğazzädäge blokadanıň beterelüe, töbäkneň tözekländerelüe häm höcümnärneň tuqtatıluı taläplärenä uňay cawapnıň birelüe İzrail häm Fälästinlelärne daimi utnı tuqtatunıň urnaştırıluına yaqınaytır. Qalğannarı eşlärne butalçıqqa etärer,” – digän süzlären citkerä.
“Habärtürk” gazetı “İzrailneň medalen kire qaytardı” isemle xäbärendä 91 yäşlek Hollandiyale Henk Zanolineň İzrailneň üzenä 2nçe Bötendönya suğışında ber yähüd balasın qotqarğanı öçen birgän medalne qaytarıp birüen belderä.
Gazet Zanolineň medalne Ğazzädäge höcümnärendä 6 tuğanı ülgännän soň kire qaytaruın uquçıları belän urtaqlaşa.
“Yäni şafak” gazetı “New York Times” gazetı iyäse Arthur Sulzbergernıň Törkiyäneň Tışqı eşlär ministrı Äxmät Dawıtoğluna xat yazıp, Ğiraqtağı boralaq qazasında yaralanğan ike xäbärçeneň İstanbulğa kiterelüläre mäs’äläsendä Törkiyäneň tırışlıqları öçen räxmäten belderüen yaza.
“Sabah” gazetı xäzerge waqıtqa qadär 1145 keşe yaqtı dönyadan kitkän ebola virusı ülçämeneň uylağannan da qurqınıç buluına iğtibar cälep itüen citkerä.
Xäbärdä räsmi zatlarnıň virusnı yoqtırğan şaqtıy keşeneň däwalanır urınına öylärendä biklänep yatuı urın ala.
“Yäni Şafak” gazetı Nepalnıň könbatışında muson yaňğırları kiterep çığarğan su basular häm cir şuışularında 54 keşeneň ülüen yaza.
Gazet başqala Katmandunıň 400 çaqrım kömnbatışındağı 10 töbäktä pänceşämbe könennän bügenge köngä qadär däwam itüçe yawım-töşem näticäsendä şaqtıy öy häm eş urınınıň su astında aluın xäbär itä.
Xäbärdä 142 keşeneň isä yuğaluı citkerelä.
“Sabah” gazetı “Odeabankka büläk yaňğırı” isemle xäbärendä törek bankaçılık tarmağınıň iň yäş banklarınnan Odeabanknıň xalıqara eş dönyasındağı büläklärdän Stevie Awardsta törle uňış häm xezmätläre belän 13 kategoriyada 14 büläk qazanuın belderä.
“Vatan” gazetı “Xatın-qızlar öçen plyaj açıldı” isemle xäbärendä Antaliya şähär xaqimiyäteneň xatın-qızlarğa ğına xezmät kürsätäçäk plyaj açuın yaza.
Gazet Antaliya merı Menderes Türelneň: “Xatın-qızlarıbıznıň taläben cirenä citkeräbez, alarğa ayırım plyaj yasadıq,” – digän süzlären uquçıalrı belän urtaqlaşa.
“Xörriyät” gazetı Törkiyä dä aralarında bulğan 18 ildä ütkärelgän tikşerenüneň “sawlıqlı toz qullanışı” belän bäyle buluın yaza.
Gazet älege tikşerenüneň toznıň küp bulğanı qadär äz qullanışınıň da qayber risklarınıň buluın kürsätüen citkerä.
Xäbärdä könlek 3 gramm tiräse toz qullanunıň qan basımına tä’sir itmäwen urın ala.
