Törek matbuğatına küzätü 21.06.2014

“Habärtürk” gazetı "3nçe küperneñ ayaqları 245 metrnı uzdı” dip atalğan yazmasında “salınuı uzğan yılda başlanğan 3nçe küper häm Tönyaq Märmär avtoyulı proyektında eşçänlekneñ böten tizlege belän däwam itüen” yaza.

Tuplam ozınlığı 320 metrğa citäçäk küper bağanalarınıñ biyeklegeneñ kütärelergä däwam itüe assızıqlanğan yazmada: “Xäzerge waqıtta 5 meñ 500 personal eşläwçe bu proyektta wazıyfa başqaruçılarnıñ kiläse ayda 8 meñgä citüe kötelä”, - dip mäğlümat birelä.

“Milliyät” gazetı "Törek töz atuçı mıltığı urlandı” dip atalğan yazmasında Frantsiya başqalası Parijda 18nçe-20nçe iyün könnärendä ütkärelgän häm Törkiyädän 11 şirkät qatnaşqan "Eurosatory" yärminkäsendä Törkiyä maşina ximiya industriyäse oyışmasınıñ stendınnan “Bora 12” isemle snayper mıltığınıñ urlanuı xäbären citkerä. Yazmada räsmilärneñ tulısınça Törkiyädä eşläp çığarılğan bu qoralnı qaraqnıñ qullana almayaçağın, çönki multıqnıñ atu caylanmasınıñ östendä bulmawın äytüe belderelä.

“Sabah” gazetınıñ "Bartında 50 milliard dollarlıq kümer rezerv iqtisadqa qazandırılaçaq” isemle yazmasında Törkiyäneñ Amasra töbägendä cirastı baylığınıñ bilgelänelüe öçen ütkärelgän tikşerenü näticäsendä 700 million tonna tiräsendä kümer rezervınıñ bilgelänelüe xäbär itelä.

“Hürriyät” gazetı "Altın bäyäläre berençe atnada 5,5 külämendä arttı” isemle yazmasında: “Xalıqara bazarlarda altınnıñ ons bäyäse Ğiraqta yäşängän xaosnıñ tä’sire belän 1.322 dollarğa kütärelgän bulsa, bu räweşle soñğı ike atnada kapital saluçısına yaqınça 5,5% tabış qazandırdı. Törkiyädä altınnıñ ber gramm bäyäse isä 83 liradan 90 lirağa kütärelde. Bu artış altın tarmağı wäkillären dä ğäcäpländerde. Artunıñ neft bäyälärenä parallel buluı da assızıqlana”, - dip äytelä.

“Yäni Şafak” gazetı "İstanbul TÜYAPqa äzerlänä” isemle yazmasında bolay dip yaza: ““Kinobıznıñ 100 yıllığı” teması belän bıyıl 33nçe tapqır oyıştırılaçaq xalıqara İstanbul kitap yärminkäseneñ däräcäle yazuçısı Atilla Dorsay bulaçaq. TÜYAP yärminkä häm kongress üzägendä 8nçe-16nçı noyabr könnärendä uzdırılaçaq çaralar waqıtında Dorsaynıñ tormışı, eşçänlege yaqtırtılaçaq häm saylanma äsärlärennän torğan kürgäzmä äzerlänäçäk.

Yärminkä waqıtında panellär belän bergä küp sanda çara da oyıştırılaçaq.

33nçe İstanbul kitap yärminkäse 24nçe İstanbul sänğät yärminkäse “ARTİST 2014” belän beryulı uzdırılaçaq”.