Törek matbuğatına küzätü 02.06.2014

“Sabah” gazetı “Süriyä 40 yıl artqa kitte” isemle yazmasında öç yıl xökem sörüçe suğışnıñ açı näticäseneñ Berläşkän Millätlär Oyışması xisabında citkerelüen yaza. Gazet xisapka kürä, Süriyäneñ tarixi, sotsial, iqtisadi häm mädäni yaqtan tar-mar buluın assızıqlap, suğış fakturasınıñ isä 143 milliard dollardan artuına iğtibarnı yünältä.

“Yäni Şafak” gazetı “Törek köne oçraşuı” isemle yazmasında Angliya başqalası Londonda oyıştırılğan Törek köne çarasın yaqtırta.

“Habärtürk” gazetı “Eksport rekord quydı” isemle yazmasında bıyıl may ayında Törkiyä eksportınıñ uzğan yılnıñ şul uq ayına qarağanda 5,8% artış belän 13 milliard 413 million dollar buluın xäbär itä.

“Sabah” gazetı “Hawada köndäş tanımıybız” dip atalğan yazmasında Transport, diñgezçelek häm xäbärläşü ministrı Lütfi Älvannıñ Törkiyäneñ aviatsiya tarmağında soñğı 11 yılda uzğan yul belän dönyanıñ balqıp toruçı yoldızına äylänüen äytüen citkerä.

“Akşam” gazetı “Gäbzä - yapon markasınıñ maşina nığıtması bula” isemle yazmasında yapon “Isuzu” häm “Anadolu” törkemeneñ Gäbzä Şäkärpınar qorılmasındağı eşçänlegen añlata.

“Star” gazetı “Tährannıñ kön tärtibendä Törkiyä bar ide” isemle yazmasında Yunıs Ämrä institutınıñ İran başqalası Tähranda oyıştırğan “Törkiyädän töslär häm awazlar” isemle mädäniyät atnalığı çaraları turında mäğlümat birep uza.