Kötüçe quırması

Çoban kavurma - Törkiyäneñ barlıq töbäklärendä diyärlek xäzerlänüçe itle rizıq. Tatarçaga tärcemä itkändä, kötüce quırması. Riwayät’lärgä qarağanda, kötüçelär awıldan yıraqlaşqan waqıtta bik caylı ğına älege rizıqnı äzerli alğan. İseme dä şunnan kerep qalğan.

Pomidor belän borıç küp bulğan cäyge aylarda çoban kavurma tağın da tämle bula. Xäzerlänüe dä ciñel.

Başta monıñ öçen kiräk bulaçaq azıq-tölekne sanap çığabız.

1aş qaşığı atlanmay

1 aş qaşığı könbağış mayı

750 gram sarıq ite

15-20 danä waq suğan

4-5 teş sarımsaq

4-5 danä neçkä ozın yäşel borıç

toz

qara borıç

qızıl borıç

3 danä pomidor

1 stakan it şulpası

kipterelgän tim’yan

1 suğannıñ suı

30 ml alma serkäse

İtlärne barmaq başı qadär turap ber sawıtqa salabız. Östenä suğan suı, alma serkäse, toz, qara borıç sibäbez. Bolğatqannan soñ 20 minut cuıtqıçqa quyıp torabız. Berazdan könbağış mayın häm atlanmaynı tabada qızdırabız. İt kisäklären marinadtan alıp sözäbez häm urtaça utta 15 minut qızdırabız. Şuña waq suğan häm sarımsaqlarnı östäp 5 minut totabız. Annan soñ êre itep turalğan borıçlarnı östäp tağın 5 minut qızdırabız. Şaqmaqlap turalğan pomidorlarnı salabız häm beraz bolğatıp utta totabız da şulpa häm, tim’yannan tış, tämlätkeçlärne östäp utnı qısıp quyabız. Östen qaplap itlär yomşağançı yaqınça 40 minut peşeräbez. Sünderer aldınnan kipterelgän tim’yan sibäbez. Aşlarığız tämle bulsın.