Baklajanlı pılaw

Törek aş-sularınıň waz kiçelmӓs rizığı – pılaw. İtle rizıqlar, kotlet yanında hiçşiksez pılaw peşerelӓ. Döğe, bulgur yӓisӓ makaronnan yasaluçı pılawğa tӓmlӓtkeçlӓr, yӓşelçӓlӓr dӓ quşıp bula. Ğosmanlı dӓwlӓte aş-sularınıň da töp rizıqlarınnan berse pılaw bula. Ğosmanlı sarayında barı tik pılaw ğına peşerüçe aşçı da bulğan. Bu aşçılar pılawnı törlӓnderü öçen döğe yӓisӓ bulgurğa üzgӓ rizıqlar quşqan. XVI ğasırda Ğosmanlı sarayında itle, kӓbestӓle, cilӓk-cimeşle, sarımsaqlı, izyumlı hӓm borıçlı pılawlar yasalğan bernisez peşerelgӓn dögelӓr östenӓ isӓ çiklӓwek hӓm kipterelgӓn cilӓk-cimeşlӓr qızdırılıp, quyılğan. Bügen sezgӓ baklajanlı pılaw yasarğa öyrӓterbez.

İň êlek pılaw öçen kirӓkle rizıqlarnı sanap ütik:

1,5 stakan döge

2- 3 baklajan

2 keçkenӓ baş suğan

1 pomidor

1 stakan zӓytün mayı

2 stakan su

2 çӓy qaşığı toz

1 çӓy qaşığı qara borıç

2 çӓy qaşığı şikӓr qomı

1 çӓy qaşığı kipterelgӓn bötnek

1 çӓy qaşığı koriŝa

Ber sawıtqa döğe salıp, östen qaplayaçaq itep qaynar su hӓm toz quşabız, 30 minut kötӓbez. Annarı döğene salqın suda yuıp, sözӓbez. Şul arada baklajannarnı çistartıp, waq şaqmaqlarğa turıybız hӓm yartı sӓgӓt’kӓ tozlı suğa salıp torabız.

Sudan alğaç yaxşılap yuıp, qorıtabız. Ber stakannıň öçtӓn ike öleşe qadӓr zӓytün mayı alıp, şunda qızdırabız. Qalğan zӓytün mayın kӓstrül’gӓ salıp, cılıtabız. Uğıçtan suğan çığarıp, mayda qızdırabız. Şulay uq uğıçta uılğan pomidorlarnı suğannarğa quşabız. 2 stakan sunı, toz, şikӓr qomın, qara borıç, bötnek hӓm koriŝa östibez. Su qaynap çıqqaç sögezlgӓn döğene dӓ salabız. Ber tapqır bolğatabız. Östenӓ baklajannarnı quşabız. Qapqaçnı yabıp, başta köçle utta, su qaynağaç isӓ ӓkren utta peşerergӓ kirӓk.

Uttan alğaç 15-20 minut kötӓbez. Ağaç qaşıq belӓn bolğatıp, tabaqlarğa bülӓbez.

Aşlarığız tӓmle bulsın!