Talqan aşı

Töreklärdä aşnıñ ayırım ber urını bar. Baymı, yarlımı - hiç ähämiyätle tügel: aş här tabında bulır. Törkiyädä irtänge aş waqıtında da şulpa çığaru ğadäti xäl. Aşlarnıñ bik küp töre bar. Şularnıñ berse - talqan aşı. Xäzerläwe caylı, üze läzzätle.

Aşnı peşerü öçen kiräkle azıq-tölekne barlap çığabız:

2 danä başlı suğan

250 gramm tarttırılğan it

1 aş qaşığı atlanmay

1 aş qaşığı qızıl borıç pastası

1 stakan talqan

6 stakan it şulpası

1 stakan peşerelgän noğıt

1 danä äflisunnıñ qırğıçtan çığarılğan qabığı

yartı stakan äflisun suı

toz, qara borıç

Xäzer inde talkan aşın peşerügä çirat citte. Başta suğannarnı waq itep turıybız häm atlanmayda qızdırıp alabız. Şunnan soñ borıç pastası häm tarttırılğan itne östibez. Bergä tağın 5 minut peşeräbez. İtneñ töse quyılaşqaç peşerelgän noğıt, äflisun suı häm qabığı, talqannı salabız. Şulpanı da şunda östäp peşerüne däwam itäbez. Qaynap çıqqaç toz häm qara borıç sibäbez. Tağın az ğına qaynatabız. Tabınğa çığarğanda östenä waq itep turalğan bötnek sibärgä mömkin. Aşlarığız tämle bulsın!