Bu könne nilär bulğan?

Bügen 2019 nçı yılnıñ 6 nçı may köne. Bu kön tarixqa nindi waqıyğalar belän kerep qalğan soñ?

Aq tänlelärgä qarşı suğışlarda ciñüläre belän tanılğan indeyeślarnıñ mäşhür şefı Crazy Horse 1877 nçe yılnıñ 6 nçı mayında Nebraskada AQŞ berleklärenä täslim bula.

1927 nçe yılda älege könne İstanbul radiosı Sirkeci bistäsendäge poçta bülekçäse binası podvalında üz êşen başlap cibärä. Ul waqıtta beräwdä dä radioalğıçlar bulmağanğa kürä tapşırular poçta binası işegenä urnaştırılğan reproduktor belän xalıqqa citkerelä.

Dönyanıñ iñ zur dirijable bulğan Gindenburgka 1937 nçe yılnıñ 6 nçı mayında kütärelep kitep az waqıt uzuğa ut qaba häm ul yanıp cirgä kilep töşä. Qazada 36 keşe hälaq bulğannan soñ dirijabl’dä keşe yörtü tuqtatıla.

1994 nçe yılda bu könne Angliya belän Fransiyanı ber-bersenä  diñgezdän totaştıruçı tunnel’ açıla.

2001 nçe yılnıñ 6 nçı mayında Papa İoann Pavel 2 nçe Süriyä säfäre waqıtında Dimäşq’tä mäçetkä bara häm mäçetkä ayaq basqan täwge Papa bulıp tarixqa kerep qala.