Bu könne närsälär bulğan?

1842nçe yılnıñ 30nçı martında täwge tapqır anesteziyä belän operaśiyä yasala. Krowford Long ber uquçısınıñ muyınındağı kistasın alu öçen anı êfir belän yoklata.

1856nçı yılda bu könne Rus patşalığı, Ğosmanlı imperatorlığı, berläşkän patşalıq häm Franśiyä arasında Parij kileşüe tözelde. Şunıñ belän Qırım suğışı tögällände.

1863nçe yılnıñ 30nçı martında Törkiyädä mäğarif tarmağında täwge ictimağıy oyışma Darüşşafaka tözelde. Anıñ maqsatı änise, ätise bulmağan balalarnı tüläwsez mäktäp-internetlarda uqıtu.

1867nçe yılda bu könne Alyaska AQŞ däwlät särqartibe Uil’yam Genri S’yuard tarafınnan Rus patşalığınnan 7 million 200 meñ dollarğa satıp alındı.

1918nçe yılnıñ 30nçı martında Baqı sovetı häm ärmän inqıylab federaśiyäse köçläre arasında bäreleşlär başlandı. Mart waqıyğaları dip ataluçı älege bäreleşlärdä küp keşeneñ ğomere özelde.  

1956nçı yılda buı könne törek şağıyre, yazuçısı häm xoquqçısı Mitxät Cämal Kuntay wafat buldı.