Bu könne närsälär bulğan?

Bügen 2019 nçı yılnıñ 11 nçe martı. Bu kön tarixqa nindi waqıyğalar belän kerep qalğan soñ?

1702 nçe yılnıñ 11 nçe martında Angliyäneñ täwge milli könlek gazetı “Daily Courant” çığa başlıy.Ber bitlek gazetnıñ alğı yağında xäbärlär, artında isä reklamalar urın alğan.

1851 nçe yılda bu könne Djuzeppe Verdineñ “Rigoletto” operası berençe tapqır Veneśiyädä säxnägä quyıla. Zur uñışqa ireşkän operanıñ cırların ikençe könne Veneśiya uramnarında sızğırıp yöri başlıylar.

1935 nçe yılnıñ 11 nçe martında törkiçelek ağımınıñ äydäp baruçılarınnan ,”Törek uçaqları”n qoruçılarınnan berse bulğan ,tarixçı, säyäsätçe Yosıf Akçura wafat bula.  

Hindıstannıñ Yaña Dähli qlasında täwge tapqır ütkärelgän Aziya uyınnarı 1951 nçe yılnıñ 11 nçe martında tögällänä. Bügenge köndä dä däwam itüçe çaranı Xalıqara olimpiada komitetı yärdäme belän Aziya olimpiada komitetı oyıştıra.

2004 nçe yılda älege könne Madridta 3 poyezd stanśiyäsendä barlıqqa kilgän 4 şartlawda 177 keşeneñ ğomere özelä. Xökümät höcümnärdän “ETA”nı cawaplı tota, oyışma isä ğayepläwne kire qağa. Madrid höcümennän 1 yıl uzğannan soñ 11 nçe martta höcümdä hälaq buluçılar istälegenä häykäl açıla.

2011 nçe yılnıñ 11 nçe martında Yaponiyanıñ Tōhoku töbägendä 9 ball zurlığında cirteträw bula.Ul Yaponyadağı iñ zur, dönyadağı iñ köçle 5 cirteträw arasında urın ala. Zilzilädän soñ töbäktä biyeklege yaqınça 38 metrğa citkän śunami dulqınnarı barlıqqa kilä.