Bu könne närsälär bulğan?

1876nçı yılnıñ 7nçe mart könne Alexander Graham Bell telefon dip isem quşılğan açışnıñ patentın ala.

1917nçe yılnıñ 7nçe mart könne tarixtağı berençe djaz plastinkası Amerikada satuğa täq’dim itelä.

1969nçı yılnıñ 7nçe mart könne Golda Meir İzrailneñ berençe xatın-qız baş ministrı bula.

1979nçı yılnıñ 7nçe mart könne Amerika Quşma Ştatlarınıñ “Voyager I” ğaläm qorabı Yupiter häm Urannıñ Saturn kebek bocralarğa iyä buluın bilgeli. “Voyager I” Yupiterneñ bocralı räsemnären cir şarına cibärä.

1979nçı yılnıñ 7nçe mart könne Törkiyä belän Sovetlar Berlege arasında neft’ kileşüenä qul quyıla.

1984nçe yılnıñ 7nçe mart könne Tön'yaq Kipr Törek Cömhüriyäte bayrağı Tön'yaq Kipr Törek Cömhüriyäte parlamentında raslana.

1989nçı yılnıñ 7nçe mart könne İran Angliya belän diplomatik mönäsäbätlären özüen dönyağa iğ’lan itä. İrannıñ könbatış belän mönäsäbätläre 1980nçe yılda başlanğan häm 8 yıl xökem sörgän İran-Ğiraq (Ğıyraq) suğışı waqıtında özelü däräcäsenä kilep citä.

1990nçı yılnıñ 7nçe mart könne törek jurnalistı Çätin Ämäç üterelä. “Xörriyät” gazetı baş möxärrire, jurnalist häm yazuçı Çätin Ämäç häm maşina yörtüçese Ali Sinan Ärcan oyıştırılğan höcüm näticäsendä üterelä.

1999nçı yılnıñ 7nçe mart könne amerikalı tanılğan fil’m rejissyorı Stanley Kubrikck wafat bula. Rejissyornıñ möhim äsärläre arasında “Ciñü yulları”, “Spartak”, “Lolita”, “Ğaläm macarası”, “Avtomatik äflisun”, “Cenlänü” (1980), “Full Metal Jacket” häm “Küzläre tulısınça yabıq” fil’mnarı bar.