Bu könne närsälär bulğan?

1714nçe yılnıñ 6nçı mart könne ingliz injenerı Henri Mill yazu maşinkasınıñ patentın ala.

1869nçı yılnıñ 6nçı mart könne Dmitriy Mendeleyev berençe periodik tabliśanı açıqlıy. Periodik tabliśa ximik êlementlarnıñ klassifikaśiyälänüe öçen qamilläşterelgän tabliśa.

1902nçe yılnıñ 6nçı mart könne FIFA tarafınnan 20nçe ğasırnıñ iñ yaxşı futbol taqımı bularaq bäyälänüçe “Real Madrid” futbol klubı qorıla.

1920nçe yılnıñ 6nçı mart könne milli häm tarixi xikäyäläre belän tanılğan mäşhür yazuçı Ömär Säyfättin 36 yäşendä wafat bula.

1946nçı yılnıñ 6nçı mart könne berençe uñışlı yuğarı tizle êlektron sanağı "Eniak" kompyuterı Amerika Quşma Ştatlarında qullanuğa täq’dim itelä. "Eniak" êlektron-śifrlı sanaqqa baruçı yulda yasalğan zur adımnardan berse bularaq 1955nçe yılğa qadär qullanıla.

1955nçe yılnıñ 6nçı mart könne Azärbaycanğa nigez saluçı Mäxmät Ämin Räsulzadä wafat bula. Mäxmät Ämin Räsulzadä 1917nçe yılda tarixnıñ berençe törki-törek cömhüriyäte bulğan Azärbaycannı tözi. Fäqät’ berniçä yıldan soñ bu däwlät sovet yawına duçar bula.

1964nçe yılnıñ 6nçı mart könne Kassius Kley räsmi bularaq Möxämmät Ali isemen ala. Böten waqıtlarnıñ iñ yaxşı boksyorı bularaq qabul itelgän Möxämmäd Ali kar’yerası buyı qatnaşqan matçlarnıñ barı tik bişesen genä ottıra.

1995nçe yılnıñ 6nçı mart könne Törkiyäneñ 1963nçe yılda Änkara kileşüe belän başlatqan Awrupa belän bötenläşü barışında tağın ber adım yasala. Awrupa Berlege äğ’zase 15 il belän Törkiyä arasında Tamğaxanä (tamojnya) berlege kileşüenä Tışqı êşlär ministrı Murat Qarayalçın qul quya.