Bu könne närsälär bulğan?

1985 yılnıñ 26 fevralendӓ törek kinematografiyaseneñ tanılğan aktyerlarınnan Tarık Akan 35nçe Berlin fil’m festivalendӓ Jyuri bülӓgen ala. Tarık Akınğa bu bülӓk “Pӓhlewan” isemle fil’mdağı role öçen birelӓ. Lӓkin 12 sentӓbr’ könge tüntӓreleştӓge totışı arqasında sӓnğatçegӓ pasport birelmi hӓm ul bülӓgen alırğa bara almıy.

1992 yılnıñ 26 fevral’ könne Azӓrbaycannıñ Xocalı şӓhӓrenӓ kergӓn qorallı ӓrmӓn törkemnӓre 613 Azӓrbaycan keşesen üterӓ. Tarixqa “Xocalı küplӓp üterüe” bularaq kergӓn bu waqiğa Azӓrbaycanğa bӓyle Qarabax üzidarӓle töbӓgeneñ Ӓrmӓnstanğa qarawın telӓgӓn ӓrmӓnnӓr belӓn moña qarşı çıqqan Azӓrbaycannar arasında barğan “Qarabax suğışı” waqıtında bula.

Xalıqara keşe xoquqların küzӓtü oyışması Xocalı küplӓp üterüeneñ Tawlı Qarabaxnıñ yawlap alınuınnan bügengӓ qadӓr başqarılğan iñ kiñ qırlı grajdan küplӓp üterüe itep taswirlıy. Höcümdӓ 106ısı xatın-qız, 83e bala-çağa belӓn barlığı 613 keşeneñ ğomere özelӓ.

2004 yılda bu könne Makedoniya dӓwlӓt başlığı Boris Trajkovski belӓn 8 keşe utırğan oçqıçnıñ Bonsiya-Gersegovinanıñ Mostar şӓhӓre yanında kilep töşüe nӓticӓsendӓ yaqtı dönyadan kitӓ. Tajkovski urınına 12 may könne Branko Srvenkovski bilgelӓnӓ.