Bu könne närsälär bulğan?

Bügen 2019nçı yılnıñ 18nçe fevral’ köne. Şuşı könne tarixta närsälär bulğan?

1294nçe yılnıñ 18nçe fevral’ könne mongol imperatorı Kubilay xan wafat bula. 1271nçe yılda Qıtayda Yuan dinastiyasın qorıp, 23 yıl buyı şuşı cirlärneñ xökemdarı bulğan Kubilay xan, Song dinastiyasın beterep, böten Qıtay däwläten berläşterä. Qıtayda berençe qağäz aqça qullanıluı da Kubilay xan waqıtında başlıy. Kubilay çorında Qıtayğa küp sanda awrupalı kilep kitä. Bolar arasında iñ mäşhür bulğanı - Marko Polo bula.

1451nçe yılnıñ 18nçe fevral’ könne Fatih Soltan Mäxmät ikençe tapqır täxetkä utıra. 1444nçe yılda 2nçe Murat täxetne ulı Mäxmädkä qaldıra. Mäxmäd 12 yäşendä täxetkä utıra. Bu wazğiyätkä Çandarlı Halil Paşa häm qayber däwlät êşlekleläre qarşı çığa, läkin 2nçe Murat qabul itmi. Macarlarnıñ, vengrlarnıñ monnan alda tözelgän kileşüne bozuı häm suğış başlawı arqasında Fatih qayber däwlät ähellärenä häm ätise 2nçe Muratqa ike xat cibärä. Bolarnıñ ikençesendä ätisenä şuşı mäşhür süzlären äytä:

“Padişah bulsağız, kilegez ğaskärläregezne citäklägez, yuq, padişah bez bulsaq, boyırığıbıznı tıñlap ğaskärlärebezneñ başına uzığız!”

Şuşı xattan soñ 2nçe Murat yañadan Ğosmanlı täxetenä uza. Annan soñ ätiseneñ ülemennän soñ Fatih Soltan Mäxmät 7 yıldan soñ ikençe tapqır täxetkä utıra.

1695nçe yılnıñ 18nçe fevral’ könne Sağız utrawı veneśiyälelärdän  alına. Ğosmanlı däwläte 1683nçe yılda başlanğan İzge ittifaq suğışlarında Sağız utrawın veneśiyälelärdän kire ala.

1856nçı yılnıñ 18nçe fevral könne Ğosmanlı däwlätendä Islahat (reforma) färmanı çığa. Soltan Abdülmäcit çorında çıqqan färman belän torğınlıqqa küçkän Ğosmanlı däwlätendä nigezle üzgäreşlärneñ yasaluı maqsat itep alına.

1952nçe yılnıñ 18nçe fevral’ könne Törkiyä Böyek Millät Mäclese Törkiyäneñ NATO äğzalegen raslıy. Törkiyäneñ Koreya suğışında qatnaşuı häm Rusiyä alıp barğan kisken säyäsät Amerika Quşma Ştatların Urta diñgezneñ iminlege öçen Törkiyä belän bergä Greśiyanı da NATOğa alırğa êtärä.