Bu könne närsälär bulğan?

1926nçı yılnıñ 17nçe fevarl’ könne Törkiyä grajdanlık qanunı qabul itelä.

Ğosmanlı çorında ğamäldä bulğan İslami xoquq qağidälären üz êçenä alğan “Mäcällä”neñ urınına küçkän Grajdanlık qanunı ozaq tikşerenülär näticäsendä Şveyśariyädän alına. Şveyśariya grajdanlıq kodeksınıñ alınuınıñ iñ möhim säbäbe - Awrupada äzerlängän soñğı grajdanlıq qanunı buluı, demokrat buluı häm xatın-qız belän irlär tigezlegenä tayanuı. Äle yaña ğına tözelgän yäş’ Törkiyä Cömhüriyätendä qabul itelgän şuşı grajdanlıq qanunı belän räsmi yazılışu häm ber xatın belän öyläneşü mäcbüri qılına, miras êşläre tärtipkä salına, patriarxiyanıñ häm konsullıqlarnıñ xökem çığaru wäqaläte beterelä, ildä xoquq berlege täêmin itelä.

1933nçe yılnıñ 17nçe fevral’ könne qırğız şağire häm köy yazuçısı Toktogul Satılganov wafat bula. 13 yäşendä şiğir yaza başlağan Satılganov ğadättä näsixät janrında improvizaśiya räweşendä söyläwçe şağir häm kompozitor. Qırğız mädäniyätenä kürsätkän xezmäte uñayınnan Qırğız däwlät filarmoniyasına, törle oyışmalarğa häm uqu yortlarına anıñ iseme birelä. Sänğät häm ädäbiyat ölkäsendä anıñ isemendä qırğız däwlät büläge, premiyası buldırıla.

Lee Falk tarafınnan tudırılğan Qızıl bitlekle 1936nçı yılnıñ 17nçe fevarl’ könne Amerika Quşma Ştatlarında ber gazetta çığa başlıy. Komiks dönyasınıñ “berençe xosusıy kostyumlı” geroyı bulğan qızıl bitlekle berençe çaqlarda qara aq bulıp basıla. Annan soñ qayber illärdä şämäxä kostyumlı bulıp basılsa da axır çiktä böten dönyada qızıl kostyumı belän tanıla.

Qızıl bitlekle xarakterı  400 yıl êlek köymäsenä yulbasarlar höcüm itkän, üze genä cir östenä çıqqan, pigmeilär tarafınnan däwalanğan, böten ğomeren yulbasarlıq, xaqsızlıq häm zalimlek belän köräşkä bağışlağan yäş’ keşeneñ legendasına nigezlänä.

1959nçı yılnıñ 17nçe fevral’ könne Törkiyä Cömhüriyäte baş ministrı Adnan Mändäräs häm yanındağılarnı Londonğa alıp barğan oçqıç Gatwick hawa mäydanınıñ yanında kilep töşä. Kipr söyläşüläre öçen Londonğa kitkän wäkillek utırğan oçqıç toman arqasında mäcbüri töşü öçen röxsät sorıy, fäqät moña forsat taba almıyça urmanğa kilep töşä.

Qazada baş ministr Adnan Mändäräs isän qalğan bulsa, Törkiyäneñ räsmi xäbär agentlığı bulğan “Anadolu” agentlığı ğomum mödire Şärif Arzık belän bergä 14 keşeneñ ğomere özelä.