Bu könne närsälär bulğan?

1984nçe yılda bu könne ike bertuğan Ogyust häm Lui Lüm’yer kinematografiyä patentın aldı. Şulay itep, videoyazmalar töşerelep tärtipkä salına häm kürsätelä torğan xälgä kilde. 1895nçe yılda isä berençe fil’mnarın tüläwle räweştä Parijda xalıqqa täq’dim ittelär. Anda fabrikadan çığuçı êşçelär häm stanśiyägä yaqınlaşuçı poyezd kürsätelä. Fil’mnı qarawçılar şulqadät täêsirlänä ki, qurqıp zaldan çığıp kitärgä mataşalar.  

1975nçe yılnıñ 13nçe fevralendä Kipr törek federal’ däwläte tözelü iğ’lan itelde. Cirle parlamentta belderüne Rauf Dänktaş uqıdı. Ul yaña qorılğan däwlätneñ täwge ilbaşı da buldı.

2009nçı yılda bu könne Azärbaycan şağıyre häm yazuçısı Baxtiyar Vaxabzadä Baqıda wafat buldı. Ul 1925nçe yılda dön’yaga kilä. 2001nçe yılda pensiyägä kitkänçe universitetta uqıta. Vaxabzadä 1960nçı yıllarda başlanğan bäysezlek xäräkäteneñ citäkçelärennän. Ul xalqı çikkän awırlıqlar turındağı bik küp äsärne çit illärgä alıp çığıp bastıra. Baxtiyar Vaxabzadä bügen Azärbaycannıñ xalıq şağıyre bularaq iskä alına.