Altun: “15nçe iyül’ – terrorçılıqqa qarşı torılğan kön”
Türkiyä İlbaşı idaräseneñ êlemtä başlığı Fahrettin Altun 15nçe iyül’neñ (2016) möbaräk qarşılıq kürsätü häm qorıçlanğan millät ixtıyarınıñ böten böyıklege belän terrorçılıqqa qarşı torğan kön buluın belderde
Altun 15nçe iyül’ Demokratiya häm milli berdämlek köne mönäsäbäte belän sośial’ media akkauntınnan yasağan belderüendä 15nçe iyül’neñ millätneñ yalan qulları belän tüntäreleşlär çorın betergän, tozaqlarnı bozğan, terrorçılarğa yul quymağan, batırlığı häm ışanuı belän xıyanät plannarın yuqqa çığarğan qaharmanlıq dastanı buluına basım yasadı.
Qarşılıq häm terelü tönendä şähitlärneñ häm ğazıylärneñ (veterannarnıñ) törek xalqına irekle kiläçäkne ışanıp tapşıruın belderüçe Altun bolay dip bilgeläp uzdı:
"15nçe iyül’ ruxı kiläçägebezneñ täêminatı. Millätebez dä watanıbıznıñ xucası. İlbaşıbıznıñ tönneñ qarañğılığın yaqtırtqan çaqıruı, torışı belän millätebezneñ ziräklege häm danlı qarşılığı belän 15nçe iyül’dä yazğan dastannı onıtmayaçaqbız, onıttırmayaçaqbız. Bu ilneñ kiläçägenä küz salğannarnı kiçermäyäçäkbez, ğafu ittermäyäçäkbez. Härkem belsen, härkem işetsen: “FETÖ” belän köräş bezneñ iñ möhim prioritetıbız".
Altun “FETÖ” belän bergä böten terror oyışmalarına qarşı soñğı terrorçı täêsirsez xälgä kiterelgängä qadär köräşneñ däwam itäçägen iskärtep uzdı.
