Франция мөселманнары: “Без дискриминацияләнәбез” / Fransiya möselmannarı: “Bez diskriminaśiyälänäbez”

Franśiya İslam Şurası (CFCM) Başlığı urınbasarı Zäkri Franśiyada çığışı belän Aljirdan bulğan 17 yäşendäge Nael Mneñ poliśiya açqan ut näticäsendä 27nçe iyün’dä häläq buluınnan soñ başlanğan waqiğalarğa (waqıyğalarğa) qarata belderü yasadı.

Zäkri, Naelneñ üterelüenä qağılışlı videoyazmalar bulmasa waqıyğanıñ yaqtırtılmıyça yabılğan bulaçağın belderep: "Waqıyğadan berniçä kön êlek ber Malile şulay uq poliśiya tarafınnan üterelde, läkin sośial’ mediada ul mizgelgä qağılışlı sürätlär bulmağanı öçen berkem dä bu waqıyğa turında söylämäde”, - dide.

Zäkri: "Franśiyadağı möselman yäş’läre köndälek tormışlarında, bigräk tä êşkä urnaşqan çaqta, toraq mäs’äläsendä rasaçılıqqa duçar bula, poliśiya tarafınnan rasaçıl profil’ çığarıluınıñ qorbanı bula”, - dip äytte.

Naelne ütergän poliśiya xezmätkäreneñ ğailäse öçen çiktän tış uñçı teletapşırular alıp baruçı Jean Messiha tarafınnan başlatılğan häm xäzerge waqıtta 1,6 million yevroğa citkän yärdäm kampaniyasın da tänqitläwçe (tänqıytläüçe) Zäkri, wazğıyätne "xurlıq" dip bäyäläp, monıñ qatilne (qatıylne) büläkländerü buluına basım yasadı.

Zäkri, böten yaqlarnı Naelneñ ğailäsenä yärdäm itärgä öndäp, däwlät milegenä zarar birüçelärne dä qanunnarnı ütärgä häm tınıç bulırğa çaqırdı.