Toronto – hawası iñ pıçraq şähärlär arasında
Kanadada däwam itüçe urman yanğınnarı arqasında ilneñ iñ zur megapolisı Toronto “iñ pıçraq hawağa iyä şähärlär” arasına kerde
Üzäge Şveyśariyada urnaşqan hawa sıyfatın küzätüçe “IQAir” kürsätkeçlärenä kürä, urman yanğınnarınnan soñ täêsirle bulğan töten arqasında Torontonıñ hawa sıyfatı da töşkän.
Kanada êkologiya ministrlığı yanğınnardan çıqqan tötenneñ, Toronto häm Hamilton töbäge belän bergä Ontario vilayäteneñ başqa töbäklärenä barıp citep, “hawa sıyfatınıñ bozıluına” säbäp buluın iğ’lan itte.
Belderüdä Toronto belän bergä Ontario vilayätendäge töten säbäp bulğan naçar hawanıñ äle küpmeder waqıt däwam itäçäge iskärtelep uzıldı.
Däwam itüçe urman yanğınnarı arqasında hawa sıyfatı isemlegendäge urını kön däwamında üzgärgän Toronto xäzerge waqıtta hawa sıyfatı iñ naçar 5nçe şähär.
Şul arada töten Amerika Quşma Ştatlarınıñ da zur öleşen yañadan qapladı. Töten häm naçar hawa arqasında töbäk xalqı zarur bulmıy torıp tışqa çıqmaw häm öydä qalu öçen kisätelde.
Çikago, Detroit häm İndianapolis belän bergä küp sanda zur şähär Amerika Quşma Ştatlarındağı hawa sıyfatı iñ naçar şähärlär kategoriyasına töşte.
Kanada oyışmalarara urman yanğın sünderü üzägeneñ belderüenä kürä, çärşämbe irtäsendäge torışqa kürä, il külämendä 487 aktiv yanğın bar.
