Germaniyädä möselmannarğa qarşı rasist oçraqlar artqan

Uzğan yıl Germaniyädä möselmannarğa qarşı 898 rasist oçraq terkälgän.

İslam häm möselman doşmanlığına qarşı ittifaq äzerlägän “Möselmannarğa qarşı rasaçılıq xisabı” cämäğätçelekkä iğ’lan itelgän.

Xisapta 2022 nçe yılda möselmannarğa qarşı 898 oçraq terkälgäne äytelä, bu isä kön sayın ike şundıy waqıyğa bulğan digän süz.

Dokumentaśiyälängän oçraqlar arasında möselmannarğa qarata  provokaśion ğıybarälär, mısqıllaw, yanawlar (yanaular) häm höcümnär alğı planğa çığa.

Xisapta ayıruça xicab, yäğ’ni yawlıq (yaulıq) kigän xatın-qızlar häm uquçı yäş’lärneñ zur diskriminaśiyägä duçar buluı äytelä, çişeleş cämğıyät’neñ bu mäs’älägä qarata sizger buluında diyılä.

 “Möselmannarğa qarşı rasaçılıq xisabı”nda ğomumän alğanda möselmannarğa qarata diskriminaśiya, räncetüçe totış, höcüm, milekkä zıyan salu, yandıru häm başqa qırıslıq ğamälläre başqarıluı citkerelä.

Xisap bilgeläp uzğança, yäş’lär häm balalarğa qarata rasist höcümnär artqan, xätta yawlıq (yaulıq) kigän yökle xatın - qızlarnıñ êçlärenä tibü oçraqları da bulğan.