“The Hill”: "AQŞnıñ köçen çikläyäçäk il Türkiyä”

Amerikanıñ “The Hill” gazetı "Türkiyä dilemması: AQŞnıñ köçen çikläwçe il” isemle analiz xäbär bastırdı.

Yazmada, Änkaranıñ bäysez, real’ säyäsät alıp baruçı häm problemalarğa çişeleş kitergän möhim global’ aktyor buluına basım yasalıp: "Küpqırlı torışqa äylänä baruçı dönyada Türkiyä Amerika Quşma Ştatlarınıñ köçeneñ çiklären qabul itü ixtıyacınıñ yaxşı ürnäge,” – dip äytelde.

Gazet xäbärendä, Waşingtonğa Änkara belän mönäsäbätlärne nığıtu çaqıruı yasalıp: "Türkiyäne çitläşterelüe zarur berlektäş bularaq kürü urınına strategik impatiya yasaluı zarur. Änkaranıñ mänfäğätlären, waqıyğalarnı niçek kürüen añlağız,” – dip bilgeläp uzıldı.

Yazmada İlbaşı Räcäp Tayyip Ärdoğannıñ bäysez real’ säyäsätläre telgä alındı.

Ärdoğannıñ Liviya, Süriyä häm Tawlı Qarabaxta barışnı üzgärtäçäk adımnar yasawı belderelde.

“The Hill” xäbärendä Awraziya, İslam häm törki dönya kiseşkän urında urnaşqan Türkiyäneñ Awrupa, Yaqın Könçığış, Urta Aziya häm Qavqazda iyä bulğan yoğıntısına da iğ’tibar yünältelde.

Yazmada Änkaranıñ Rusiyä häm İran belän iq’tisadi häm geopolitik bağlanışları buluına da basım yasaldı, Bosniyadan Qatarğa qadär bik küp ildä xärbi yäki tınıçlıqnı saqlaw köçläreneñ urnaşuı añlatıldı.